________________
॥ तेरसमो उद्देसओ ॥
अहरउडविवरपयडियसमसियदसणंसुधवलियदिसाए । एत्थंतरे य भणियं, भज्जाए नागसेणाए ॥१॥ पियसहिओ ! एसम्हं, होज्ज पिओ नूण थेरिसारिच्छो ।
पत्थितो गुरुविहवं, चुक्कीही नूण संतस्स ॥२॥ तओ इमं च निसामिऊण वियसंतवयणकमलेणं भणियं जंबुणामेणं-'का सा मुद्धे ! थेरी ? कहं वा गुरुरिद्धिपत्थिता संतस्स परिभट्ठा ?' तीए भणियंअवि य- अत्थि इह भरहखेत्ते, मायंदी नाम पुरवरी रम्मा ।
तीए वयंसियाओ वसंति दो चेव थेरीओ ॥३॥ अवरोप्परं च तेसिं, दोण्ह वि अइनिब्भरा महापीई । जाया अह थेरीणं, दोण्ह वि समविहववेसाणं ॥४॥ कह कह वि कम्मवित्तीए ताओ नयरीए [नियय] उयरभरं कुणमाणीओ कालं, गर्मिति दालिद्ददड्ढाओ ॥५॥ अह अन्नया य जक्खो, संमज्जणपूयणेण एक्काए । परितुट्ठो तं थेरिं, दिन्ना(व्वा)ए भणइ वायाए ॥६॥ मम पायतलाओ तुमं, दीणारं पइदिणं पगिण्हेज्जा । थेरी वि पइदिणं चिय, तं गिण्हइ जक्खमूलाओ ॥७॥ सा जक्खकयपसाया, अत्थं संचेइ निव्वुयसरीरा । सयणस्स जणवयस्स, य अहिययरं आढिया जाया ॥८॥
Jain Education International 2010_02
For Private & Personal Use Only
www.jainelibrary.org
