________________
१६३
बारसमो उद्देसओ
पच्छा तुम्हेहिं समं, जं ते कहियं जिणिदपन्नत्तं । गिहिस्सं पव्वज्जं, गंतुं गुरुपायमूलंमि ॥६०॥ जंबुकुमारेण तओ, भणियं-'सुण जं तुमे इमं भणियं ।
भुंजसु अम्हेहि समं, विसए किल वरिसमेक्कं तु' ॥६१॥ तत्थ- उन्नयगरुयपयोहरधरीहिं सग्गंमि देवविलयाहिं।
सह विसया परिभुत्ता, तह वि न तत्तिं इमो पत्तो ॥६२॥ गुरुपिहुलजहणखामोयरीहिं करभोरुकुंददसणाहि । वियसियकमलमुहीहिं, देवीहिं न पाविओ तित्तिं ॥६३।। वच्छत्थलहारविलोलमाणमुत्ताहलुल्लसियभाओ । सुरकामिणीओ सुइरं, भुत्ताओ[आसि]मए सग्गे ॥६४॥ रसणाकिंकिणिकलरव विरायमाणगुरुजहणभायाओ ।
सुरसुंदरीओ सुइरं, सुरलोए आसि भुत्ताओ ॥६५॥ तहा- इंदत्ते देवत्ते, चक्ख(क)हरत्ते य जाइं सोक्खाई ।
परिभुत्ताई ताई, तह वि न तित्तो इमो जीवो ॥६६॥ बलदेव-वासुदेवेसु भवणजोइसियवंतरसुरेसु । वेमाणिएसु य तहा, सोक्खाई इमेण पत्ताई ॥६७॥ सामंतनरिंदेसु य, जुयलाहम्मेसु तह य विजएसु । विसया स( भु)त्ता बहुसो, जीवेण अणाइसंसारे ॥६८॥ एवं च बहुविहेसु वि, जीवो विसएसु जो न संतित्तो । संवच्छरमेत्तेणं मुद्धे ! कह होज्ज सो तित्तो ॥६९॥ ता वानरो व्व नाहं, सिलाजऊसरिसविसयभोएहिं । पंचिदिएसु बद्धो, निहणं गच्छामि संसारे ॥७०॥ सम्मं च नाणं चरणं चरित्ता, कम्मं च सव्वं अह झोसइत्ता । ते जंति सिद्धि भवदुक्खमुक्खा(क्का), पालिंति जे सव्वगुणे पसंता ॥७१॥ इय जंबुणामचरिए उद्देसो पउमसेणभज्जाए । दत्तोत्तराभिहाणो एस समत्तो सुणह सेसं ॥छ। ॥७२॥
Jain Education International 2010_02
For Private & Personal Use Only
www.jainelibrary.org
