________________
१६२
तम्हा नाऊण इमं, इंदियपडिवक्खवत्तिणा निच्चं । होयव्वं बुद्धिमया, नरेण जिणवयणकुसलेण ॥४७॥ इंदियविसयाण तहा, भावेयव्वं विवायविरसत्तं । आवेइऊण विसए, रागद्दोसाण परिहरणं ॥ ४८॥ एवं चिय कुणमाणो, एसो अइरेण पावए मोक्खं । सव्वकिलेसविमुक्को, जीवो मुद्धे ! न संदेहो ॥४९॥ ता परिमुंचह गाहं, मा मुद्धे ! वानरो व्व पडिबद्धा । निहणं भवकंतारे, पाविस्सह इंदियवसाओ ॥५०॥
अन्नं च - गिण्हह महव्वयाई, होह सया नाणचरणकलियाओ । सम्मत्तभावियाओ, पंचसु समिईसु समियाओ ॥ ५१ ॥ सज्झायझाणतववावडाओ निच्चं विसुद्धलेसाओ । बंभव्वयकलियाओ, उवसग्गपरीसहसहाओ ॥ ५२ ॥ सीलंगसहस्सद्वारसगुरुभरभारमत्तजत्तङ्कं । रागद्दोसविहीणं, महुयरवित्तीए उवलद्धं ॥ ५३॥ नवकोडीपरिसुद्धं, उंछं गिuse देहजावट्टं । सयडक्खडंगकप्पं, भुंजह वणलेवकप्पं वा ॥५४॥ भावेह भावणाओ, णवणवपरिणामसुहविवेयाओ । गुत्तीसु य गुत्ताओ, होह सया नियमकलियाओ ॥५५ ॥ गुरुयणभत्तिपराओ, निच्चं सिद्धंतपढणसीलाओ । विre वेयावच्चे, निच्चं चिय वावडमणाओ ॥ ५६ ॥ पावेह जेण अइरा, सुरवरनरनाहसिद्धिसोक्खाई । सव्वेसिं जंतूणं, होह तहा पूयणीयाओ ॥ ५७ ॥
एयं निसामिऊणं, भणियं अह तीए महुरवायाए । सव्वं पिययम ! एवं, किं तु निसामेसु मम वयणं ॥५८॥ भुंजसु एक्कं वरिसं, इमाहि सह रूवगुणगणधरीहिं । नियभज्जाहिं विसए, मणोरमे मणुयभवसारे ॥५९॥
Jain Education International 2010_02
जंबुचरियम्
For Private & Personal Use Only
www.jainelibrary.org
