________________
बारसमो उद्देओ
गंतूण तेण गामं, भणियं अह देवया तुट्ठाए । दिन्नं गोहणमेयं, चिट्ठा परिपालयंतो य ॥ ९ ॥
वाएइ य सो संखं, पइदियहं चिंतए य सो एवं । अन्नं पि संखभीया, चोरा मुंचंति जइह धणं ॥१०॥ अन्नंमि पुणो दियहे, गहणं गहिउं समागया चोरा । निसुओ य संखसद्दो, भणियं अवरोप्परं तेहिं ॥११॥ एसो पुणो वि निसुओ, संखो अम्हेहिं एस वज्जन्तो । ता मा मुंचेह धणं, संकाए एत्थ कुढियाणं ॥१२॥ ताव निरिक्खह एयं संखं को एत्थ वायए रन्ने । समकालं गंतूणं, निरिक्खयं जाव सो दिट्ठो ॥१३॥ दिट्टं च गोहणं तं, जं मुक्कं संखसद्दभीएहिं । परिनायं तं तेहिं, सव्वेहिं वि चोरपुरिसेहिं ॥१४॥ एयं तं अम्ह धणं, भणियं चोरेहिं एस सो चोरो । संखं पवा[इ]ऊणं, अवहरियं जेहिं (ण) अम्हाण ||१५||
एवं भणमाणेहिं, बद्धो सो तक्करेहिं हणिऊण ।
तं गोहणं च सव्वं, अवहरियं तस्स चोरेहिं ॥ १६ ॥
ता जह सो परिचुक्को, पुव्वविढत्तस्स अइव धमिएन ।
तह मा तुमं पि चुक्कसि, विसयाणं तह य मोक्खस्स ॥छ|| ||१७||
तओ इमं च निसामिऊण भणियं जंबुणामेण - 'मुद्धे ! निसुणेसु । अवि य'
नाहं मुद्धे ! सो वानरो व्व इह मंदबुद्धिओ होउं । बंधावे अप्पाणं, विसयाण कएण तुच्छाणं ॥१८॥
तीए भणियं - ' कह सो इह बद्धो वानरो ? कहसु सामि ।' जंबुकुमारेण तओ, भणियं - सुण एक्कचित्तेण ॥१९॥ विलय व्व तिलयकलियत्थि कुसुमपब्भारनिम्महंता य । नवघणपडलसुसामा, विंझगिरि कडंमि वणराइ ॥२०॥
Jain Education International 2010_02
१५९
For Private & Personal Use Only
www.jainelibrary.org
