________________
॥ बारसमो उद्देसओ ॥
एत्थंतरम्मि भणियं, सहरिसपडिबुद्धपंकयमुहाए । सललियमिउवायाए, भज्जाए पउमसेणाए ॥१॥ पियसहिओ ! एसऽम्हं, होज्ज पिओ नूण धमगसारिच्छो ।
जह सो पच्छायावं, पत्तो तह पाविही एस ॥२॥ भणियं च- "जइ वि धमिज्जइ कज्जे, किं पुण सोहेज्ज नेय अइधमिए ।
धमिएण जं विढत्तं, पणासियं अइधमंतेण" ॥३॥ [ ] तओ इमं च निसामिऊण वियसंतवयणपंकएण भणियं जंबणामेण-'को सो मुद्धे ! धमगो? कहं वा पच्छायावं पत्तो? त्ति । को वा इमस्स अइधमियधमियस्स अत्थो ?' तओ तीए भणियं । अवि य- अत्थि इह भरहवासे, कलिंगविसयंमि नाम वडवई ।
गामो बहुधणकलिओ, गोमहिस[स]माउलो रम्मो ॥४॥ परिवसइ तत्थ एगो, कुडुंबिओ खेत्तकरिसणपसत्तो । वरिसाले सो छेत्तं, परिरक्खइ सावयाईणं ॥५॥ संखं वाएमाणो, अच्छइ सो तत्थ सव्वरयणि पि । तेणंतेणं चोरा, समागया अन्नदियहमि ॥६॥ सोऊण संखसई, ते भीया गोहणं पमोत्तूण । दिसि-विदिसिं च पलाणा, किल कुढिया आगया एए ॥७॥ दिटुं तं तेण धणं, नायं जह संखसद्दभीएहिं । मुक्कं चोरेहिं इमं, गहियं अह तेण तं सव्वं ॥८॥
___Jain Education International 2010_02
For Private & Personal Use Only
www.jainelibrary.org
