________________
१६०
जंबुचरियम् सच्छंदसुहविहारो, बहुणा कालेण परिणओ जाओ। वानरजूहाहिवई, जूहेण समं तहिं वसइ ॥२१॥ झाडेइ य सो सव्वे, अन्ने बलदप्पवीरियसमिद्धे । जे के वि वानरभडे, जूहाओ दप्पबलकलिए ॥२२॥ बलवइणा अन्नेणं, दिट्ठो सो वानरेण तरुणेण । जुझं च संपलग्गं, दोण्ह वि बलदप्पकलियाण ॥२३॥ कहकह वि निज्जिओ सो, [अइ] कढिणकरचलणप्पहारेहिं । जूहाहिवो बलवया, तरुणेणं वानरभडेणं ॥२४॥ पडिभग्गदप्पपसरो, छड्डेडं कह वि तस्स सो नट्ठी । इयरो वि मग्गलग्गो, दूरं गंतुं पडिनियत्तो ॥२५॥ भयतरलनयणजुयलो, तुरियपयक्खेवनिहियसंचारो । किल मम पत्था(च्छा) पहवइ, सत्तू सो धाविओ दूरं ॥२६॥ निद्दयपहारविहुरो, तण्हाभुक्खाकिलंतनियदेहो । पत्तो महइ महंतं, गुहमेक्कं पव्वयनिगुंजे ॥२७।। तत्थ य सिलायलंमि, परिस्सवंतं सिलाजउं दटुं । भयवसवेविरनयणो, पत्तो सो तस्स तीरम्मि ॥२८॥ परिसुसियवयणकंठो, तण्हावसपरिकिलंतनियदेहो । मन्नंतो जलमेयं, वयणं परिखिवइ जा तत्थ ॥२९॥ ता तं तस्स निविटुं, सिलाजऊ जाव मज्झ संपत्तं । वयणस्स मोयणट्ठा, पसारिया अह करा तेण ॥३०॥ ते वि निबद्धा दोन्नि वि, एवं पाया वि(?) पहाणअंगेसु ॥३१॥ परिखिज्जिऊण पत्तो, तत्थेव सिलाजउंमि सो निहणं । वयणपरिमेत्तबद्धो, कह वि पयत्तं जइ करितो ॥३२॥ ता कह कह वऽप्पाणं, मोयंतो वानरो सिलाजउणो । एयस्स उवणयमिमं, सुण दिटुंतस्स तं मुद्धे ! ॥३३॥
Jain Education International 2010_02
For Private & Personal Use Only
www.jainelibrary.org
