________________
१५५
एगारसमो उद्देसओ
एवं सो मेहरहो, परंपरसुहाण भायणं जाओ । इयरो वि विज्जुमाली, आसत्तो तुच्छविसएसु ॥१०१॥ विज्जाहररिद्धीए, पुणो वि विसयाण तह य रज्जस्स । सुरलोयसुहस्स तहा, तह चेव [य] सिद्धिसोक्खस्स ॥१०२॥ जरमरणरोगपउरं, हिंडेही तह पुणो वि संसारं । एसो ते दिटुंतो, कहिओ सुण उवणयं इहि ॥१०३।। "जह ते दोन्नि कुमारा, दुविहा जीवा तहा समक्खाया । भव्वाऽभव्वा य तहा, जह मेहरहो तहा भव्वा ॥१०४॥ ते चइउं घरवासं, पक्कणकुलसंनिभं विगयमोहा । विज्जासमनाणजुया, पार्विति परंपरसुहाई ॥१०५॥ जे पुण इयरसमाणा, हंति अभव्वा नरा कुगइगामी । पक्कणकुले च गेहे, आसत्ता हुंति व अवत्थू ॥१०६॥ न मुणंति [य] हियमहियं, कज्जाकज्जं व मोहसंतत्ता । मायंगीए समाए, आसत्ता णिययभज्जाए ॥१०७॥ सव्वसुहाणं चुक्का, विज्जाहरदेवरिद्धिमाईणं । पाविति पुणो दुक्खं, जह तं मुद्धे ! निसामेह ॥१०८।। ते जम्ममरणसलिलं, कसायजलयरसमाउलं भीमं । हिंडंत(ति) सुइरकालं, मोहावत्तं भवसमुदं ॥१०९॥ पाविति महाघोरं , दुक्खं कुगईसु तेसु संतत्ता । छिदणताडणमारणफालणउक्कत्तणाईयं ॥११०॥ सोक्खं सरिसवसरिसं, दुक्खं पुण मेरुपव्वयसमाणं । पाविति य नरयाइसु , कुगईसु ते सु(?) पाणिणो पत्ता ॥१११।। उयहिसमाणं दुक्खं, सोक्खं पुण तिलतिभागसममेत्तं । जीवाणं संसारे , वेरग्गं तह वि हु न जंति ॥११२॥
Jain Education International 2010_02
For Private & Personal Use Only
www.jainelibrary.org
