________________
१५४
जंबुचरियम ता गच्छ तुमं पुणरवि, आगच्छसु जेण वच्चिमो दो वि । उवलंभिऊण बहुहा, मेहरहो अह गओ ताहे ॥८९॥ पुणरवि समागओ सो, भणिओ अह विज्जुमालिणा ताहे । गच्छ तुमं ता भाउय !, पुणो वि मे देसु दरिसावं ॥९०॥ ताहे मेहरहेणं, भणिओ खरफरुसदुट्ठवयणेहिं । धिद्धि त्ति दुट्ठपावय ! अहमाहम ! जो तुमं मूढो ॥११॥ उववज्जिऊण विमले, विज्जाहरवरकुलंमि रे मूढ ! । आसत्तो कह तुच्छे, मायंगकुलंमि रे मूढ ! ॥९२।। ता गच्छ तुमं पवयं, पढमं चिय किल तुमं न जाओ सि । जो एवं चंडालो, तं जाओ कुलकलंककरो ॥९३॥ मन्नसि दुक्खं पि सुहं, इंदियविसएहिं मोहिओ मूढ ! । खरफरुसतज्जणाओ, सहसि य तं पक्कणकुलंमि ॥९४॥ एवं ठिए वि(?) अज्ज वि मा, मूढ ! तुम अप्पवेरिओ होह । गच्छसु वेयड्डनगं, सुहभाई जेण तं होह ॥१५॥ न कयाइ अहं इण्हि, आगच्छामिह पुणो वि तुह पासं । ता मा मूढऽप्पाणं, वंचसु तुच्छ[य]कुलासत्तो ॥९६॥ एवं बहुहा भणिओ, जाहे सो नेच्छि(च्छु)ओ तहिं गंतुं । ताहे वेयडूनगं, मेहरहो तं गओ मोत्तुं ॥९७॥ पिउणा सो अहिसित्तो, रज्जे उवभुंजिऊण तो भोए । रज्जं च पालिऊणं, पच्छा संजायसंवेगो ॥९८।। दाउं सुयस्स रज्जं, सुट्ठिय अणगारसो(रिणो) सयासंमि । गहिऊणं पव्वज्ज, उग्गं च तवं तहा काउं ॥९९॥ अह आउयक्खएणं, पत्तो सो ! देववासवरठाणं । पावेही मुत्तिसुहं, पुणो वि सो सव्वसुहसारं ॥१००॥
Jain Education International 2010_02
For Private & Personal Use Only
www.jainelibrary.org
