________________
१५६
जंबुचरियम् भणियं च एत्थ गुरुणो, जिणवरवसहस्स वद्धमाणस्स । सासणपभावणेणं, कविणा केणावि इयमत्थं ॥११३॥ "सुरनरनिरयतिरिक्खेसु वट्टमाणाणमेत्थ जीवाणं । को संखं पि समत्थो, काउं तिक्खाण दुक्खाणं ॥११४॥ [ ] अच्छंतु तिरियनरएसु जाव अइदूसहाई दुक्खाई । मणुयाण वि जाइँ हवंति ताइँ को वच्चए अंतं ॥११५॥ [ ] जं होइ जियाण दुहं, कलमलभरियंमि गब्भवासंमि ।। एक्कं चिय वच्चइ नवर तस्स तं चेव सारिच्छं ॥११६॥ [ ] जायाण वि जम्मजरामरणेहिं अभियाण किं सोक्खं । पियविरहपवरभ( परब्भ )त्थणपमुहमहादाहगहियाणं ॥११७॥ [ ] जं पि सुरयंमि सोक्खं, जायइ जीवस्स जोव्वणे तस्स । तं पि य चिंतिज्जंतं, दुक्खं चिय केवलं नूण ॥११८॥ [ ] पामागहियस्स जहा, कंडुयणं दुक्खमेव मूढस्स ।। पडिहाइ सोक्खमउलं, एवं सुरयंमि विन्नेयं ॥११९॥ [ ] वंचिज्जइ एस जणो, अचेयणो पमुहमेत्तरसिएहि । खलसंगएहि व सया, विरसेहिं तह य भोगेहि ॥१२०॥ [ ] ता उज्झिऊण एयं, अणवरयं परं परम? )मोक्खसंजणयं ।
तित्थयरभासियं खलु, पडिवज्जह भावओ धम्मं ॥१२१॥[ ] जओ- "जोव्वणमारोग्गं, चिय पियसंवासा तहेव जीयं च ।
सव्वाई चंचलाइं जिणधम्मो वज्जियं मोत्तुं ॥१२२॥ ता जो अप्पाणहियं, जाइजरामरणसूडणं धम्मं । न कुणइ अणागयं चिय, सो सोयइ मरणकालंमि" ॥१२३॥ ता गिद्धो कुकलत्ते, नाहं विज्जाहरो व्व मोहंधो । विसयाण करणेयं, संसारं कह पडीहामि ॥१२४।।
Jain Education International 2010_02
For Private & Personal Use Only
www.jainelibrary.org
