________________
१५२
तत्थ परितावरहियं, पडिवक्खविदिन्न तह य परितावं । सयलं पि चउरजणनिवहसेवियं निच्चपरिमुइयं ॥ ६५ ॥ उत्तुंगसालकलियं, पि सालकरगेज्झकुसुमफलनियरं । पुन्नं पि पुन्नकलियं, रुंदं पि य मडहसंचारं ॥६६॥ विज्जाहरजणपुन्नं, नयरं अह गयणवल्लहं नाम । अत्थि जए सुपसिद्धं, मणिकंचणरयणधणकलियं ॥६७॥ गरुयपरक्कमनिज्जियपयंडपडिवक्खलद्धमाहप्पो । भुंजइ तमसणिघोसो नामं विज्जाहरनरिंदो ॥६८॥ अह तस्स अत्थि पुत्ता, विज्जाधणरूवजोव्वणसमग्गा । दो भायरो महप्पा, मेहरहो विज्जुमाली य ॥६९॥ ते अन्नया कयाई, परोप्परं मंतिऊण ते (सं? ) चलिया । मायंगयविज्जाए, साहणहेउं दुवे कुमरा ॥७०॥
ती पुण विज्जाए, एसो पुण ताण साहणोवाओ । तुच्छकुले गंतूणं, परिणयव्वाओ कन्नाओ ॥७१॥ धारेयव्वं च तहा, परिसुद्धं बंभचेरवयघोरं । संवच्छरेण ताहे, सिज्झइ मायंगवरविज्जा ॥७२॥ पत्ता दाहिणभरहे, अवयरिया ते वसंतपुरनयरे । पक्कणवेसं काउं, गया य ते पक्कणकुलंमि ॥७३॥ आराहिया य अह ते, मायंगा तेहिं दोहिं वि जहिं । दिन्नाओ कन्नाओ, तेसिं अह तेहिं पाणेहिं ॥ ७४ ॥ दोहिं वि विवाहियाओ, ताओ कन्नाओ पाणधूयाओ । अइकसिणविरूवाओ, लालाउलवयणनासाओ ॥७५॥ सो विज्जुमालिनामो, विज्जाहरपवरकुमरओ नवरं । महिलाए आसत्तो, विज्जापरिसाहणं मोत्तुं ॥७६॥
Jain Education International 2010_02
For Private & Personal Use Only
जंबुचम्
www.jainelibrary.org
