Page Text
________________
एगारसमो उद्देसओ
१४९ अयाणमाणेणेयं मोहंधेण । न उण पुणो समायरिस्सं । ता खमसु एक्कमवराहं'ति । देवेण भणियं-'अत्थि एक्को ते मोक्खोवाओ, जइ तं जिणयासं खमावेऊण, काऊण य हत्थिखंधमारूढं, अहिसिंचिऊण य कणयकलसेहिं, सियचंदणवत्थसुमणसाहरणं काऊण तमप्पणा मिठत्तणं पवन्नो जयजयसद्दमुहलियदसदिसं संखपडहकाहलनंदीघोसपूरियंबरं, तियचउक्कचच्चरेण भमाडेऊण, पाएसु निवडिऊण, निययघरे पुणो मुंचसु त्ति । ता खमियव्वं न अन्नह' त्ति । तओ-'जं तुमं आणवेसि'-भणमाणो चलिओ सपरियणंतेउरो राया । दिट्ठो य जिणयासो नरवइणा । केरिसो ? अवि य- सिंहासणे निविट्ठो, उवरि पलंबंतधरियपुंडरिओ ।
विज्जंतचमरजुयलो, पुरओ विलुलंतचारुभडो ॥४७॥ तओ निवडिओ राया चलणेसु सव्वजणसमूहसमेओ जिणयासस्स । भणिओ य-'सामि ! खमसु मे एयमणवेक्खियकारिणो अवराहं' । तओ जिणयासेण भणियं'खमियं चेव मए, न अम्हाण सासणे कीरइ रोसो'त्ति । तओ राइणा सव्वं समायरियं जहा उवइटुं तं देवसासणं । भणिओ य परितुद्वेण देवेण राया-'भो भो ! पडिवज्जसु जिणवरमयं, एस सो मग्गो संसारपञ्जवसाणसाहगो न उण अन्नो' त्ति । पडिवन्नं च राइणा जिणसासणं ।
तओ निरूवियं देवेण कहिं पुण सा दुरायारा देवी जाव पेच्छइ तेण चोरपुरिसेण समं चलिया चोरगामाभिमुहं । वच्चमाणाण य अद्धपहे सलिलपडिपुन्ना सरिया परिवहइ । तओ तक्करेण सा भणिया । चिंतियं च- एगस्थ कह व पडि(इ)मोइयावि अन्नत्थ लग्गइ खणेण ।
दूरेण होउ सुहिया, महिला कन्थारिसाह व्व ॥४८॥ 'पिए ! समप्पेह मम ताव सयलं वत्थाभरणं जेण इमं परतडे मोत्तूण तओ तुमं सव्वपयत्तेण उत्तारेमि । विसमा य इमा नई । मा ते को वि सरीरपमाओ भविस्सइ ।' समप्पियं च सव्वं तीए । भणिया य तेण सा-'मुद्धे ! इमं ताव बहलपत्तनियरपडिपुन्नं पविससु सरथंभं जावा गच्छामि अहं' । पविट्ठा य सा । तओ गओ सो परतडं । भणियं च तेण । अवि य- भद्दे भद्दे ! निसुणसु मज्झ कए नियपई तुमं हणसि ।
जा सा मं कह मुंचसि अन्नस्स कएण ता वच्च ॥४९॥
Jain Education International 2010_02
For Private & Personal Use Only
www.jainelibrary.org
| SR No. | 002554 |
| Book Title | Jambuchariyam |
| Original Sutra Author | N/A |
| Author | Jinvijay, Chandanbalashree |
| Publisher | Bhadrankar Prakashan |
| Publication Year | 2009 |
| Total Pages | 318 |
| Language | Sanskrit |
| Classification | Book_Devnagari & Literature |
| File Size | 12 MB |