________________
१४६
जंबुचरियम् एगो घेत्तूण य कणयाहरणकरंडियं विणिग्गओ । [पट्ठिपहावियरायपुरिसो] सो य तक्करो तीए देवउडीए इओ तओ परिब्भममाणो समावडिओ पसुत्ताए देवीए सरीरे । चिंतियं च तीए-अहो सुकुमालत्तणं कस्स वि पुरिसस्स ! ता किमिमेण माणुसजमेण दिव्वफासपुरिसेण समं न परिभुंजंति विसया । तओ चंचलत्तणओ महिलासहावस्स, अथिरत्तणओ नेहाणुबंधस्स, विवरीयत्तणओ य मयणस्स । अवि य- एक्कं गिण्हंति इमा, अन्नं मुंचंति तह रमंतनं ।
अन्नेण समं नेहो, पयडंति य तह य अन्नेणं ॥३७॥ मारिति नियपई पिय, अन्नस्स कएण मूढहिययाओ । तं पि य अन्नस्स कए, अन्नं पुण अन्नकज्जेणं ॥३८॥ मारेउं भत्तारं, मरंति तह अप्पणा पुणो चेव । चरियं न याणिमो च्चिय, एसिं कह निम्मियं विहिणा ॥३९॥ मारिति पइं पुत्तं, पियरं तह भायरं च मायं च । अत्ताणं च परं चिय, विसयाण कएण मूढाओ ॥४०॥ इय वंकं चिय, चरियं महिलाण सप्पगइसरिसं ।
हिययं दढवज्जसमं, महुरत्तं किं पि वायाए ॥४१॥ तओ, अज्जउत्त जंबुणाम ! किं भणिओ सो तीए महादेवीए तक्करपुरिसो ?'को सि तुमं ?' तेण भणियं-'किं मया पावकम्मेण ते पओयणं ?' । तओ देवीए भणियं-'कीस तं पावकम्मो' । तओ कहिओ तेण सव्वो नियवइयरो । तओ तीए भणियं-'अहं ते देमि जीवियं किंतु मम पइणा भवियव्वं तए' । तेण भणियं-'केण पओएण देसि ?' त्ति । तीए भणियं-'अत्थि मम पसुत्तो एस भत्ता । इमस्स इमं आरोविमो रित्थं । जेण चोरो त्ति काउं इमं गिण्हावेमि अहं । अत्थि य मम निययमाभरणं । तं च गहिऊण गच्छामो पहाए जहिच्छियं ठाणं' ति । तओ पडिवन्नं च तीए वयणं तक्करेण ।। अवि य- मच्चुमुहतिक्खदाढासमूहकोडीविवरप्पडियं पि ।
जइ रक्खिज्जइ पुरिसं, नूणं जावाउयं दीहं ॥४२॥ भणियं च- "अणुपुंखमावहता [य] अणत्था तस्स बहु गुणा हुँति ।
सुहदुक्खकच्छपुडओ, जस्स कयंतो वहइ पक्खं" ॥४३॥ [ ]
Jain Education International 2010_02
For Private & Personal Use Only
www.jainelibrary.org
