Page Text
________________
गारसमो उद्दे
१४५
सो भिंडमयहत्थी सव्वाहिं । न उण महादेवीए । भणइ य सा - 'बीहेमि अहमिमस्स । तओ नरवइणा पहया पउमनालपहारेण । मुच्छाविहला य निवडिया धरणीयले । नायं च राइणा जहा एसा सा कारगारि त्ति । भणिया य'
अवि य- आरुहसि निच्चपगलियमयवसघुमंतमत्तकरिनाहं । भिंडकरिणो यत्ती उप्पिच्छमणा कहं जाया ? ॥३५॥
विसहसि वियसियवयणा पावे ! दढलोहसंकलपहारं । संपइ मोच्छं पत्ता तं छित्ता पउमनालेण ||३६||
I
तओ एवं च निसामिऊण भीया सा । जाणियं च जहा -नायाहं नरवइणा । तओ राइणा निरिक्खियं सरीरं । दिट्ठो य पट्ठीए संकलापहारसलवट्टो । तओ महाकोवानलपज्जलिएण नरवइणा देवी मिठो हत्थी य समारोवावियाई छिन्नटंके महीहरे । भणिओ मिठो - ' अरे ! चोएसु हत्थि' । चोइओ य तेण । तओ [ कओ ] एगो चलणो आगासे गयवइणा । भणिओ य जणेण नरवई - 'किमेस तिरियजोणिसमुब्भवोऽवजाणइ वराओ । एत्थ इयाइं दो वि कारगारीणि' । नेच्छियममरिसेण नरवइणा । पुणो चोयाविओ । चोइओ य ठिओ दोहिं वि चलणेहिं आयासे । पुणो वि भणिओ जणेण राया । पुणो वि नेच्छियं नरवइणा । तओ ठिओ एगेणं चलणेणं, तिन्नि पुण आयासे । तओ हाहारवगब्भिणं आकंदियं समागयलोएण - 'अहो किमेइणा हत्थिरयणेण विणासिएण' । इमं च हाहारवं निसामिऊण जणसमूहस्स समागयं चित्तं [ राइणो । भणियं च ] 'नरवइणा - किं रे ! तरसि नियत्तेउं वारणं ।' तेण भणियं - 'देव ! तरामि जइ अम्हाणं दोण्ह वि देसि अभयं । राइणा भणियं - ' एवं दिन्नमभयं तुम्हाण' । तओ तेण कुसपओगेण तहा एक्कचलणोवरिं भामिऊण [ चोइओ] जहा समभूमिभायं समागओ इत्थि त्ति । तओ राइणा संपूइओ कुंजरवरो । समप्पिओ अन्नस्स हत्थारोहस्स । ताईं वि निव्विसयाइं समाणत्ताइं । गयाइं च गामंगामेण अणवरयप्पयाणएहिं दूरं संतरं । अणिया य तेण देवी - ' मा वच्चसु विसायं । अहं ते सव्वप्पयारेण भलिस्सामि' त्ति । तीए भणियं को अन्नो तुमं मोत्तूण पडिवन्नवच्छलो ता सव्वहा तुमं मम गइति । एवं च परोप्परं कयववत्थाइं पयट्टाई दक्खिणावहं । तओ अन्नंमि दिणे पहस्समपरिसंताइं वहिऊण सव्वदिवसं संज्झायाले पत्ताइं एगं नयरं, समावासियाई देवउडीए सुत्ताइं य । समागया य निद्दा । मज्झरत्तसमए य रन्नो गिहे खत्तं पाडिऊण तक्करो
Jain Education International 2010_02
For Private & Personal Use Only
www.jainelibrary.org
| SR No. | 002554 |
| Book Title | Jambuchariyam |
| Original Sutra Author | N/A |
| Author | Jinvijay, Chandanbalashree |
| Publisher | Bhadrankar Prakashan |
| Publication Year | 2009 |
| Total Pages | 318 |
| Language | Sanskrit |
| Classification | Book_Devnagari & Literature |
| File Size | 12 MB |