________________
१४४
जंबुचरियम् अवि य- इंधणरहिया महिला, नूनं जालावली सुपज्जलिया ।
सत्थं च सल्लहीणं, पंको घणसमयपरिहीणो ॥२५॥ कसणिरहिया भुयंगी, विज्जुनिवाओ य जलहरविहीणो ।
गोत्ति व्व अणवराहा, निल्लोही खग्गधारा या ॥२६॥ जेण- महिलाए असंगयसीलयाण अन्नोन्नदिन्नहिययाण ।
अन्ने कुणंति तत्तिं, अन्ने पुण वल्लहा हुंति ॥२७॥ तहा य एयाओ एवंविहाओ भवन्तेव । जओ भणियं च
"घेप्पइ जलंमि मच्छो, पक्खी गयणमि विज्झए राहा ।
गहियं पि विहडइ च्चिय, दुग्गेझं महिलियाहिययं" ॥२८॥ [ ] "वेसं पि सिणेहेण व, रमंति अइवल्लहं पि निन्नेहा ।
कारणवसेण नेहं करिति निक्कारणे नेय" ॥२९॥ [ ] "रमयंति विरूवं पि हु रूवं पुण परिहरंति दूरेण ।
रूयविरूयवियप्पो किं हियए होज्ज एयाण" ॥३०॥ [ ] तहा देव !- दुज्जणमेत्तीओ इव, जाओ निच्चं पि वंचणपराओ ।
लंघियनियमज्जाओ, संज्झाराउ व्व अथिराओ ॥३१॥ मयणग्गिपलित्ताओ, जाओ निच्चं पि कलुसियमणाओ । बहुमायाभरियाओ, कुललंछणदाणपउणाओ ॥३२॥ बुद्धिमया पुरिसेणं, ताओ निच्चं पि वज्जणीयाओ । जे पुण न बज्झइ च्चिय, तं सो बज्झिज्जइ इमाहि ॥३३॥ इय दिटुनट्टतडिविलसियाण निच्चं पि अथिररायाण ।
महिलाणं को गच्छइ, सब्भावं वंचणपराण ॥३४॥ तओ राइणा भणियं एवमेयं । साहिओ तेण सव्वो [त्तिवइ]यरो, जहा-'एवं इमेण पओगेण एगा देवी इमं च एवंविहं कम्मं समायरइ सह मिठेण । ता देव ! इमेण कारणेण मे समागया निद्दा' । तओ इमेण य वेरग्गेण पव्वज्जं पडिवन्नो सो सेट्ठी । नरवइणा य समाहूयाओ सव्वाओ देवीओ । ठिओ य एगंतोयरगे । भणियाओ य देवीओ-'अज्ज मे कुसुमिणं दिटुं । ता तस्स पडिहणणनिमित्तं भिंडमयहत्थि होऊण विवत्थाओ य कयबलिकम्माओ य जहा परिवाडीए विलंघेह एयं । तओ विलंघिओ
Jain Education International 2010_02
For Private & Personal Use Only
www.jainelibrary.org
