Page Text
________________
एगारसमो उद्देसओ
१४३ थेरेण । जहा न हवइ एसा सोहणा । ठिओ पसुत्तवेड्डेण । जाणियं च तीए । जहा पसुत्तो किर एसो । तओ निहुयपयसंचारं निग्गया सा मत्तवारणए । तओ घेत्तूण करिणा करेण उक्खित्ता तस्स ठाणस्स विमुक्का धरणीए । समाहया य कुविऊण हत्थिलोहसंकलाए मिठेण चिराओ समागय त्ति काऊण । कहियं च तीए जहा एरिसो को वि अज्ज रक्खवालो समागओ जस्स निद्दा वि नत्थि । ता मम किं पि मा रूसह त्ति । तओ उचियसमएण य कयकज्जा तेणेव विहिणा समागया निययवासहरं । इमं च सव्वं दिटुं तेण । अंतेउरमहल्लएण । तओ चिंतिउं च पयत्तो-पेच्छ एवं परिरक्खिज्जमाणीओ वि एयाओ एवं ववहरंति । किं पुण ताओ अम्ह सच्छंदविलयाओ। ता अवस्समेवमेवं गिहे गिहे, न को वि एत्थ विम्हओ, अक्खेवकरणं वा । अवि य- छड्डुति जणणिजणए, भत्तारं तह कुलं च सीलं च ।
न मुणंति सुकय-दुकयं, मयणपसत्ताओ महिलाओ ॥२०॥ लंघति फुल्लिसयसंकुलाओ अडवीओ सीहपउराओ । रत्तिं दियहे नूणं, कायाण वि हुंति भीयाओ ॥२१॥ मयणानलतवियाओ, निच्चं परपुरिसबद्धरागाओ। लंघंति जलनिहिं पि य, दीसंति य मुद्धवयणाओ ॥२२॥ गिरिसिहरे दुग्गमकंदरे य लंघंति मयणमूढाओ। विसमं पि कयग्घाओ, मन्नंति समं सकज्जंमि ॥२३॥ अह करिमइंदसप्पे, फुल्लिपिसाए य चोरवंद्रे य ।
न गणंति महारुटे, नारीओ अन्नसत्ताओ ॥२४॥ सव्वहा एरिसाओ इमाओ किमेत्थ चित्तखेएणं । इमं च परिचिंतेमाणस्स समागया तस्स निंदा । निययसमएण विगलिया जामिणी । पबुद्धो य सव्वो लोओ न उण सो इब्भो। निवेइयं च नरवइणो जहा-सो अज्ज(?) अज्ज वि पवड्डइ (न उट्ठइ) जो किल पणट्ठनिदो त्ति । निवारिओ य परियणो राइणा, जहा-'न पडिबोहणीओ एसो । कारणेण एत्थ भवियव्वं' । तओ विउद्धो निंदाखएण । सद्दाविओ नरवइणा, समागओ य। पुच्छिओ य किं निमित्तं समागया ते निद्दा अज्ज ? तओ तेण भणियं-'देव ! न किं पि तहाविहपओयणमत्थि' । राइणा भणियं-'न निक्कारणा एसा ते निंदा । ता सव्वहा कहसु' त्ति । सेट्ठिणा भणियं-जइ एवं ता देव ! निसुणसु ।
Jain Education International 2010_02
For Private & Personal Use Only
www.jainelibrary.org
| SR No. | 002554 |
| Book Title | Jambuchariyam |
| Original Sutra Author | N/A |
| Author | Jinvijay, Chandanbalashree |
| Publisher | Bhadrankar Prakashan |
| Publication Year | 2009 |
| Total Pages | 318 |
| Language | Sanskrit |
| Classification | Book_Devnagari & Literature |
| File Size | 12 MB |