Page Text
________________
१४२
जंबुचरियम्
छारधूलिणा, धावए दिसोदिसं, नच्चइ चच्चरेसु, अवरुंडए महिलाओ, आरुहइ कडियलेसु, गिण्हइ उत्तरिज्जाई, पकड्ढए नियंसणाई, पहसइ अट्टट्टहासेहिं । तओ एवं च सव्वहा तेण रंजिओ लोओ । बहुडिंभवंद्रपरिवारिओ विगयवत्थो परिभमइ नयरमज्झेणं ति । तंमि उ दिणे जक्खपुरओ पहाइउत्तिन्नाए तीए अइदक्खत्तणेणुद्धाइऊण वेगेण अ ( उ ) वगूढा सा गाढं तेण । तओ भउव्वेविरपओहराए इव ससज्झसं नोल्लिओ इव । तीए अंबाडिओ य लोएण । पहओ य मुट्ठिप्पहारेहिं । गओ य अट्टट्टहासं कुणमाणओ । तओ सा पुणो विण्हाइऊण उवट्ठिया जक्खपुरओ । कया य सावणा एवं तीए - 'भो भो लोगपाला ! अहो जक्ख ! अईव पच्चक्खो तुमं । ता जहट्ठियं पेच्छसु, जइ मह मायापिईविदिन्नं निययभत्तारं मोत्तूण अन्नो को वि कंठेऽवलग्गो इमं च उम्मत्तगं जं तए वि दिट्टं सव्वजणपच्चक्खं विलग्गं तं पि मोत्तूण, ता गिहसु ममं अन्नहा मुंचसु 'त्ति । इमं च भणमाणी जाव जक्खो तं तीए aणं कुडिलहिययविणिग्गयं सव्वप्पयारेहिं परोप्परं विरुद्धं विमंसिउं पयत्तो, ताव सा सहसा विणिग्गया जक्खजंघाविवरंतरालेण । तओ भणियं च सव्वलोएण - 'सुद्धा सुद्ध'त्ति । गहिओ सहत्थतालं थेरो समागयजणेण । हीलिओ य बहुप्पयारं । तओ सो चिंतिउं पवत्तो-सोहणं जमहं पवंचिओ इमीए दुट्ठसीलाए; जं पुण एसो वि जक्खो पवंचिओ तमित्थ अइमहंतो विम्हउ त्ति ।
भणियं च - "विसमसहावो मयणो, विसमसहावाओ महिलियाओ य । गुरुरागंधमणाओ, कज्जाकज्जं न याणंति" ॥१८॥ [ ]
"रोविंति रुयावंति य, अलियं जंपंति पत्तियावंति ।
कवडेण य खंति विसं, मरंति नो जंति सब्भावं" ॥१९॥ [ ]
तओ इमाए य चिंताए पणट्ठा से निद्दा । इमं च सोच्चासवणपरंपराए निसुयं जियसत्तुनरवइणा । जहाइब्भस्स किल पणट्ठा निंदा । तओ चितियं नरवइणा - सोहणो अंतेउरमहल्लगो सो हवइ । तओ हक्काराविऊण य निउत्तो अंतेउरवारवालो । समागया य रणी । सुवन्नो य जामिणीए दुवारपएसे । तस्स य अंतेउरियावासभवणस्स हेट्ठे रायहत्थी आलाणखंभे निबज्झइ । एगा य महादेवी हत्थिमिंठे पसत्ता । चुंवालयाओ हत्थी करेण तं ओयारेइ । उचियसमएण कयकज्जं पुणो वि तत्थेव पडिनियत्तेइ त्ति । एवं च वच्चए कालो । तंमि दिवसे नियओयरगाओ बहुसो निग्गमणपवेसं कुणमाणी उवलक्खिया तेण
I
For Private & Personal Use Only
www.jainelibrary.org
Jain Education International 2010_02
| SR No. | 002554 |
| Book Title | Jambuchariyam |
| Original Sutra Author | N/A |
| Author | Jinvijay, Chandanbalashree |
| Publisher | Bhadrankar Prakashan |
| Publication Year | 2009 |
| Total Pages | 318 |
| Language | Sanskrit |
| Classification | Book_Devnagari & Literature |
| File Size | 12 MB |