Page Text
________________
गारसमो उद्देओ
१४१
1
कुसुकु (म) मोयपरिवासियसयलदाहावहारिपवणपरिमलायङ्कं असोगवणियं गच्छामो' । गओ य सो तीए उवरोहेण । पसुत्ताइं च तत्थ ताई । समागया य तस्स निंदा । समाउलहिययत्तणओ न उण इयरीए । तओ थोववेलाए तरमाणहिययाए साकुयं च उट्ठावेऊण भणिओ य सो तीए - 'अहो ! पेच्छ पेच्छ निल्लज्जत्तणं ते पिउणो जमेस मम पसुत्ताए चलणाओ नेउरं गहेऊण एस एस वच्चइ । अहो ! जुत्तं किमेवं तुम्ह कुले, जं ससुरो चलणे लग्गइ वहूए ' त्ति ? । तओ तेण भणियं - ' मा कुणह हलबोलं । मम निंदा समागच्छइ । विद्धत्तणसहावेण विवरीयमई एसो संजाओ । ता पभाए समप्पइस्सइ' त्ति । सा वि बहुहा रुंटिऊण ठिया निययसमएण; पहाया जामिणी । समुट्ठिओ सयलो जणो । भणिओ य पिउणा सो पुत्तो - 'वच्छ ! दुस्सीला इमा ते भज्जा' । तओ कोवानलपज्जलिएण भणियं सुएणं - ' निल्लज्ज ! न लज्जसि तुमं इमाणं निययपंडरकेसाणं, जं तीए चलणगहणं काऊण नेउरं परिगिण्हसि ? । इमं च एरिसं पजंपसि । असमंजसं । तेण भणियं - 'परपुरिसेण समं सुवन्नाए मए गहियं' । तओ विसेसेण कुविऊण भणियं सुएण - 'निल्लज्ज ! न लज्जसि तुमं इमाणं निययपंचभूयाणं; जेण एवं वराईं अयसपयाणेण संताविंतो ममं पि परपुरिसं भणसि ?' । तओ थेरेण भणियं - 'पुत्तं ! पच्चक्खं दिट्ठो मए परपुरिसो । न एयं अन्नहा भवइ' । तेण भणियं - 'अहं सो । कहियं च मम इमाए तीए वेलाए जहा एसो ते जणओ मम चलणाओ नेउरं गहेऊण एस वच्चइ' त्ति । इमं च एत्तियं तीए बहूए उल्लावसंलावं तेसिं इओ तओ कम्मवावारसत्ताए निसामिऊण भणियं मायाकुडिलहिययाए - ' किं मे एस एत्तियं पलवइ असमंजसं ?' । तओ कहियं भत्तुणा इमं से- 'इमं च असंबद्धं एसो तुम्होवरिं जंप 'ति । तओ हालाहलमहाविसगंठि व्व विसमहिययाए भणियं तीए - 'अहमत्ताणं सोहेमि चिट्ठर एसो सिरयंमि' । तओ ससुरेण भणियं - ' एवं कुणसु' ति । इमं च कलयलं सोऊण मिलिओ सव्वो सयणो । तेण य सयणेण य ठाविओ पक्खो निबद्धो क(का) रो | तंमि य नयरे अत्थि एक्को जक्खो ससंनेज्झो, तस्स य चलणाणं विवरेणं गच्छइ सव्वो वि जणो विसंवाए सोहिनिमित्तं । तत्थ जं दोसगारिणं तं सो गिण्हइ जंघा । न पुसे । उवट्टिया य सा तस्स पुरओ पहायसुइभूया कयबलिकम्मा य कारदियहे । उवट्ठिओ उभयपक्खेहिं पि बंधवजणो । सो य माहणजुवाणो तं दियहं पइ काऊण गहियउम्मत्तगवेसो केरिसो जाओमसिणा गुंडइ अत्ताणयं, उद्भूलए य
For Private & Personal Use Only
www.jainelibrary.org
Jain Education International 2010_02
| SR No. | 002554 |
| Book Title | Jambuchariyam |
| Original Sutra Author | N/A |
| Author | Jinvijay, Chandanbalashree |
| Publisher | Bhadrankar Prakashan |
| Publication Year | 2009 |
| Total Pages | 318 |
| Language | Sanskrit |
| Classification | Book_Devnagari & Literature |
| File Size | 12 MB |