________________
१३८
तत्थ त्थि तुंगवित्थिन्नधवलपायारवलयपरिक्खि (ख)त्तं । धवलहरवाविदीहियगोउरसुरभवणकयसोहं ॥ ९ ॥ संचरमाणविलासिणिनेउररवहंससरिसनिग्घोसं । बहुवन्नजाइसिप्पियजणनिवहुद्दामरमणिज्जं ॥ १०॥ दुब्भिक्खडमरचोरारिवज्जियं निच्चमूसवाकलियं । कंचणरयणसमिद्धं नामेण वसंतपुरनयरं ॥ ११ ॥ जंमि य नयरे केसु पुण कमुवलब्भइ
कलहो खग्गलयासुं मासाहारत्तणं जइ मुणीसु । चक्कभमो य कुलाले रन्ने जइ मत्तवालत्तं ॥१२॥ भसणं च मंडलेसुं दोजीहत्तं च जइ पर फणीसु । जलएसु जलपसंगो वक्कत्तं चंदरेहाए ॥१३॥ चंदोवगओ सूरो सोमत्तण दाणओ पयावेहिं । तं भुंजइ जियसत्तू जियसत्तू नाम नरनाहो ||१४|| सो केरिसो ? अवि य
सामन्नमुग्गदंडो तह वि विसेसेण पारदारीणं । चंडो जमो व्व कुविओ पाणवहारं कुणइ खिप्पं ॥१५॥
तस्स य नरवइणो तंमि पुरवरे सव्वहा बहुसम्मओ सायरदत्तो नाम इब्भो परिवसइ । सिरिसेणा नाम तस्स भज्जा । तेसिं च वसुपालो नाम एगो पुत्तो असि । विलासवई नाम से तस्स भज्जा । सा य सहियणपरिवुडा अणुसुस्समाणा य दासचेडीहिं विमलाभिहाणं नई ण्हाइउं गया । सा मज्जिउं च पवत्ता जलकीलाए । तओ दिट्ठा एगेण तरुणजुवाणेण माहणेण तत्थ कीलमाणा । तओ तीए रुवाइसयक्खित्तमाणसेण परिचितियमणेण - अहो इमीए रूवाइसयं ! अहो मज्जणविन्नाणाइसयं ! अहो गंभीरत्तणं ! । ता किं इमिणा निरत्थएणं मम माणुसजंमेणं जमेवंविहरूवाइसयसमिद्धाए सह विलयाए विसया न सेविज्जंति । किं बहुणा ! तओ सव्वहा परिविद्धो सो मयणसरपसरनियरेहिं वच्छत्थले । इमंमि अवसरे देवच्चणनिमित्तं कुसुमगवेसणमणी (णा) णं दासचेडीणं कुसुमप्पयाणच्छलेण समासन्नीहूओ सो । दिट्ठो
Jain Education International 2010_02
जंबुचरियम्
For Private & Personal Use Only
www.jainelibrary.org
