________________
१३५
दसमो उद्देसओ
एवं च निवडियस्स [य] समागया सव्वरी तहिं तस्स । जायं च मेहवुटुं पवाइओ सीयलो पवणो ॥३५॥ सीयलवायवसेण य मुच्छाविरमंमि आगया निद्दा । तण्हावसेण पेच्छइ सुमिणं अह तत्थ सो पुरिसो ॥३६॥ सव्वसि(स)रिसायरा[ण] य कूवतलायाण सोसियं नीरं । तह वि न तण्हावगमो जायइ किर तस्स पुरिसस्स ॥३७॥ दूसहतण्हागुरुवेयणुल्लिओ जाव मग्गए नीरं । जुन्नमयडं अरन्ने पेच्छइ ता कह व जुत्तीए ॥३८॥ दट्टण सहरिसं सो वेगेणुद्धाइओ तओहुत्तं । पेच्छइ तत्थावत्तं पायाले किं पि उज्जोयं ॥३९॥ नाउं किल जलमेयं वारयहंडं निरिक्खि(क्ख)ओ ताहे। पत्तं न कि पि रन्ने दीणत्तं उवगओ ताहे ॥४०॥ गहिऊणं किल दब्भं वलिया अह तेण सहरिसं रज्जु (ज्जू) । अन्ने य दब्भमइया बद्धा किल पूलिया तेण ॥४१॥ ओयारिऊण अयडे पगलियसेसं तु दब्भपूलीओ । जीहाए लिहइ जलं तण्हावच्छेयणनिमित्तं ॥४२॥ ता जो सरि-सर-सायर-कूव-तलायाण सलिलनिवहेण । तित्तिं कह व न पत्तो सो पावउ मुद्धि ! किं तेहिं ॥४३॥ तीए भणियं न एयं भाविज्जइ सामि ! नूण जुत्तीए । धवलच्छि ! एवमेयं तो भणियं जंबुणामेणं ॥४४॥ "एयस्स सुयणु ! इण्ही निसुणसु तं उवणयं कहिज्जंतं । जो पुरिसो सो जीवो तण्हा वुण होइ भोगेच्छो(च्छा) ॥४५॥ कूवो पुण मणुयभवो रज्जू पुण भोगसाहणोवाओ । कूवजलं भोगसुहं दब्भं निंदा य मोहणियं ॥४६॥
Jain Education International 2010_02
For Private & Personal Use Only
www.jainelibrary.org
