________________
अट्ठमो उद्देसओ
१२५ विहरमाणो भगवं साहू तस्स गेहमि । तओ दट्ठण य तं तहाविहं, उवउत्तो भगवं । नाओ य ओहिनाणेण इमो वइयरो । जाणियं च जहा-भव्वो एसो । होही एत्थ चोयणाए परमोवयारो । तओ एवं चिंतिऊण भणियं साहुणा । अवि य- हा कटुं अन्नाणं पेच्छह संसारविलसियं एयं ।
जं जाया पइमंसं परिखित्तं भुंजइ सुएणं ॥१०७॥ तओ इमं च निसामिऊण भणियं महेसरदत्तेण-'भयवं ! किमेयं तुमे भणियं ?' तओ साहुणा भणियंअवि य- मारेऊणं जणओ पुरओ जणणीए जणयपिंडत्थ ।
उच्छंगगहियसत्तू मा भुंजसु जणयमंसाइं ॥१०८॥ तओ इमं च भणमाणो निग्गओ सो भगवं साहू । ठिओ नयरिबाहिरियाए एक्कमि विवित्तपएसे । महेसरदत्तो य चिंतिउं पयत्तो-अहो कहं इमेण साहुणा भणियं ? ता भवियव्वमेत्थ कारणेणं । जओ इमे न भणंति अपरिसुद्धं इमं च । एवं परिचिन्तमाणो गओ साहसयासं अणुमग्गेणं ति । दिवो य भगवं तेण । वंदिओ य भत्तसबहुमाणं । भणिओ स-'भगवं ! किं तुब्भेहिं न गहिया मम गेहे भिक्खा ? कहं वा मंदपुन्नाणं अम्हाणं व घरेसु न पडंति वसुहाराओ? अन्नं च भयवं ! किं तुमे इमं भणियं? जहाअवि य- मारेऊणं जणओ पुरओ जणणीए जणयपिंडत्थं ।
__उच्छंगगहियसत्तू मा भुंजसु जणयमंसाइं ॥१०९॥ तओ भयवया भणियं, अवि य
का सा होज्ज अवत्था संसारुच्छंगपरिगओ जंतू । जा न वराओ पावइ अन्नस्स विडंबणाभूया ॥११०॥ ता सोम ! तुमे रोसो कायव्वो एत्थ नो इमं सुणिउं ।
भावेयव्वं च तहा विरसं संसारनेउन्नं ॥१११॥ तओ महेसरदत्तेण भणियं-'भयवं ! जहट्ठियपरिकहणे को एत्थ रोसो विन्नायपरमत्थाणं । अजहट्ठियपरिकहणे य किं तुम्ह पओयणं ? | ता भयवं! सव्वं साहसु'त्ति । तओ भगवया वि सपच्चयं साहिप्पायं च जहा जहा तस्स अवगमो भवइ तहा तहा सव्वं परिकहियं । इमं च निसामिऊण जायगरुयसंवेगो संसारभयपरिभीओ जंमणजरमरणवाहि
___Jain Education International 2010_02
For Private & Personal Use Only
www.jainelibrary.org
