________________
१२३
अट्ठमो उद्देसओ
एयंमि पसंसिज्जइ लोइयसत्थेसु नूण सयलेसु । नाउयाई ताई अह भणसि इमं कहं देयं ।।९५॥ आएयाइं एवं अह भणसि इमं तु हंदि तो जायं । जं जेण कयं कंमं भोयव्वं तेण तमवस्सं ॥९६।। जेण सुहं धारेज्जइ कंमं संसिज्जई सुहं सत्थे । सुहमसुहाणमवस्सं तो जायं नूण कस्स फलं ॥९७।। एवं च पिंडदाणं अकयत्थं नूण एत्थ संजायं । जं पुण तहावि कीरइ तं मूढपरंपरा एसा ॥९८॥ एसा वि अणाएया य मूढसंताणमालिया नूणं ।
जेणुवएसेणेसिं कट्ठतरागं लहइ मोया(लोओ) ॥१९॥ भणियं च- "किं एत्तो पावयरं संमं अणहिगयधम्मसब्भावो ।
अन्नं कुदेसणाए कट्ठतरागंमि पाडेइ" ॥१००॥ [ ] अह भणसि तह वि कीरइ होज्ज कयत्थेण हंदि किं तेण । जं जं चिय जेण फलं तं तं चिय विबुहपरिहरियं ॥१०१॥ एत्थ य सुण दिटुंतं जह जणओ घाइ[ओ य] जणयत्थं ।
दिन्नो सुएण पिंडो मूढेण अयाणमाणेण ।।१०२॥ तओ इमं च निसामिऊण भणियं पभवेण-'अहो जंबुणाम ! को एसो जेण जणओ विणिवाइऊण जणयस्सेव पिंडपयाणं कयं ? कहं वा तं कयं ? ति । तओ जंबुणामेण भणियं-'सोम ! निसुणसु' ।
अत्थि सुरलोयसरिसा नयरी इह तामलित्तिनामेणं । मणिकंचणरयणजुया धणधन्नसमाउला निच्चं ॥१०३।। तीए समुद्दनामो मायाकुडिलो य निग्घिणो लोही ।
निच्चं पि असंतुट्ठो आसि समुद्दो व्व सत्थाहो ॥१०४॥ तस्स आसि बहुला नाम एक्का भारिया । ताण य सुओ महेसरदत्तो नाम । गंगिला य नाम महेसरदत्तस्स जाया तेसिं वहू । अन्नया य मरणावसाणयाए
Jain Education International 2010_02
For Private & Personal Use Only
www.jainelibrary.org
