________________
१२२
जंबुचरियम् विगईपरिहरणपरो वित्तीसंखेवणं तहा काउं । अविउत्तो सज्झाए पालेसु महव्वए पंच ॥८६।। दसविहजइधम्मजुओ अणसणविहिणा उ देहघरमुक्को ।
पाविहसि परं ठाणं अकलंको जत्थ तं होसि ॥८७॥ तओ इमं च निसामिऊण जायगुरुसंवेगो, भणिऊण य-'इच्छामो सोहणा पडिचोयणा' । परिचइऊण य सव्वं घरविहवसारं दमघोसगुरुपायमूले गुरुकंमिंधणपज्जलियजलणगहियसामन्नो तवनियमसोसियंगो विहरिऊण य सव्वपरियायं अणसणविहिणा कालमासे कालं काऊण गओ देवलोयं कुबेरदत्तो त्ति ॥ छ ।
कुबेरसेणा वि तस्स जणणी गरुयवेरग्गानलपरिडज्झमाणहियया अज्जाणं सयासे गहियपरमधंमुवएससारा भावियजिणवयणमई गहियसावयधंमवया साविगा जाय त्ति ॥छ।।
ता एसो परमत्थो एएसिं पहव ! दुट्ठविसयाणं । जाणंतो को वच्चउ विसयाण वसं नरो एत्थ ॥८८॥ पहवेण तओ भणियं एवं एयं न एत्थ संदेहो । किं तु तहावि सुणिज्जउ जं सुव्वइ लोयसत्थेसु ॥८९॥ जणणिजणयाण जायइ तित्ती किर लोयपिंडदाणाओ । नित्थारिज्जइ जणओ पुत्तेणं कुगइपत्तो वि ॥१०॥ कीरइ विगयरिणो किर जणओ पुत्तेण सग्गगामी य । ता एयं पि पमाणं कीरउ संवच्छरे कइ वि ॥९१॥ एयं निसामिऊणं भणियं वियसन्तवयणकमलेण । अह जंबुणामएणं पहव ! विमूढाण मयमेयं ॥९२॥ जइ तारिज्जइ जणओ पिंडपयाणेण कुगइमग्गाओ । पिंडाभावे य धुवं टालिज्जइ हंति सग्गाओ ॥१३॥ एवं चिय पुव्वकयं पुन्नं पावं च होइ उ निरत्थं । एवं च इमं जायं धम्मकरणं तु....अकयत्थं ॥९४॥
Jain Education International 2010_02
For Private & Personal Use Only
www.jainelibrary.org
