Jambuchariyam

SR No.: 002554
Original Sutra Author: N/A
Author: Jinvijay, Chandanbalashree
Publisher: Bhadrankar Prakashan
Publication Year: 2009
Total Pages: 318
Language: Sanskrit
Classification: Book_Devnagari & Literature
File Size: 12 MB

Page 153

१२०
अवि य- "गंमागंमं न याणइ वच्चावच्चं अहेयहेयं वा ।
विसयविसवेयघत्थो पुरिसो पेओ व्व पच्चक्खो" ॥७१॥ [ ]
ता पेच्छ केरिसं उभयलोयविरुद्धं इमाण समावन्नं । तहा वि जइ संबोहिज्जंति एयाई ता सोहणं हवइ । इमं च एवं परिचिन्तिऊणं सव्वं साहियं पवत्तिणीए । तओ ताण संबोहणत्थं समुच्चलियाओ अज्जाओ । पत्ताओ य महुरं नयरिं । पविट्ठाओ कुबेरसेणाए गेहं । मग्गियाय ताहिं सा वसही । तीए वि सप्पणयाए होइऊण भणियाओ ताओ एवं - ' भगवईओ ! अहं केवलं जाईए गणिया, न उण समायारेण । जा(ज)ओ संपयं सुकुलवहु व्व एक्कपुरिसगामिणी अहं । ता अच्छह मम अणुग्गहं काऊणं ।' ति । ठियाओ य ताओ तत्थ । तीए य गणियाए एक्को बालो पुत्तो । सा य तं बहुसो साहुणीणं सयासे मोत्तूणं गिहवावारं समणुचिट्ठइ । कुबेरदत्ता वि साहुणी ताइं दारगस्स जणणि-जणयाई निरारंभाई दट्ठूण जहा तेसिं समवणगोयरं समभिगच्छइ, तहा तं बालयं तेसिं संबोहनिमित्तं खेलावणच्छलेण एवं परियं ।
अवि य- भाया भत्तिज्जो मे पुत्तो तह देयरो तुमं बाल ! ।
तुझ पिया मम भाया ससुरो पुत्तो पई जणओ ॥७२॥
जंबुचरियम्
माया वि तुझ बालय ! मम जणणी सासुया सवक्की य । भाउज्जाया य तहा बहुया इह चेव नायव्वा ॥ ७३ ॥
तओ इमं च एरिसं तेहिं निसामिऊण परिखेलावणं जायकोऊहलेहिं दोहिं वि वंदिऊण पुच्छिया सा अज्जा - 'भयवइ ! किमेरिसमसंबद्धकित्तणं तुमं कुणसि ? किं को वि एत्थ परमत्थो ? किं वा अघडमाणं पि एवमेवं तुमं पयंपसि एयस्स दारगस्स विणोयणत्थं ?' तीए भणियं - 'सव्वमिणं सच्चं' । तेहिं भणियं - 'कहं चिय ?' । तओ तीए ओहिनाणावलोयणेण सव्वं परिकहियं । जहा जउणाए पवाहियाई । जहा सोरियपुरे पत्ताइं । इब्भेहिं गहियाई । पुणो वि दो वि परोप्परं विवाहियाई । पयंसिया य सा मुद्दा कुबेरदत्तानामंकिया तेसिं । जाओ य तेसिं पच्चओ जहा एवमेयं न अन्नहा इमं भवइ त्ति । तओ निंदिउं समादत्तो कुबेरदत्तो अप्पाणं ।
अवि य- हा हा हो दुट्टु कयं अयाणमाणेण मूढचित्तेण । महइमहंतं पावं दोण्ह वि लोयाण जमपत्थं ॥७४॥