________________
अट्ठमो उद्देसओ
११९ नेहमोहिएहिं कयमम्हेहिं एवमेवं । तहावि मा गच्छसु विसायं । हत्थगहणेण जइ परं दूसियाइं तुब्भे । न उण अकज्जसेवणेणं ति । ता विसज्जेमो नियगेहं इमं वह; तुज्झ पुण अन्नं किं पि तहाविहं अविरुद्धसंबंधं काहामो' । विसज्जिया य निययगेह(हे) दारिया । तीए वि जणणी तहेव निबंधेण पुच्छिया, कहियं च जणणीए जहावत्तं । तओ सा अन्नया य इमेण चेव वेरग्गेण सुव्वयगणिणीसयासे पव्वइया । सा य मुद्दा तीए पवत्तिणीवयणेण न परिचत्ता । वच्चए कालो । पढंतीए आगमं, चरंतीए चरणं, भावंतीए भावणाओ, कुणंतीए गुरुवयणं, समायरंतीए तवनियमसंजमं, भावयंतीए संसारसहावं, निंदतीए विसयसंगं, पसंसंतीए जिणिंदपणीयं धंमं ति । एवं च विसुज्झमाणचारित्तपरिणामाए समुप्पन्नं ओहिनाणं ।
इओ य सो कुबेरदत्तो अन्नया गओ दिसायत्ताए । तत्थ वि संपत्तो महुरानयरीए । घडिओ यं तत्थ कुबेरसेणाए सह निययजणणीए । अच्छइ य तीए समं तं तारिसं विसयसुहमणुवंतो, पहव ! जं तं तुब्भेहि पसंसिज्जइ । तओ सो एवं तत्थऽच्छमाणो दिट्ठो तीए कुबेरदत्ताए साहुणीए ओहीन्नाणेण । चिंतियं च तीएअहो ! कट्ठमन्नाणं । पेच्छ पेच्छ केरिसं इमाणं संजायं । भणियं च- "अन्नाणंधो जीवो जत्थ भयं तत्थ मग्गए सरणं ।
अग्गि कीडपयंगा पडन्ति अन्नाणदोसेणं" ॥६८॥ [ ] अन्नेहिं वि भणियं
"किं कटुं अन्नाणं........एत्थ निंदियं लोए । ____ अन्नाणंधो जीवो न मुणइ कज्जं अकज्जं वा" ॥६९॥ [ ] ता सव्वहा वि संसारमूलं इममन्नाणं ति । अन्नाणंधा य पुरिसा दुक्खेण विसएसु निरज्जति । भणियं च- "दुक्खं नज्जइ नाणं नाणं नाऊण भावणा दुक्खं ।
भावियमई वि जीवो विसएसु विरज्जए दुक्खं". ॥७०॥ [ ] ता सव्वहा वि अपसंसणीया इमे विसया । उभयलोयविरुद्धं पि समायरंति पाणिणो इमेहि मोहियमाणसा ।
___Jain Education International 2010_02
For Private & Personal Use Only
www.jainelibrary.org
