________________
जंबुचरियम्
सो पावइ तमवस्सं जइ वि विवक्खे जयं सव्वं " ॥ ६५ ॥ [] " वसणावडिओ वि नरो मच्चुमुहादसणविवरपत्तो वि । पुन्नापुन्नाण फलं पावइ अइरेण सव्वो वि" ॥६६॥ [ ]
११८
अवि य- "जं जेण जत्थ जइया पावेयव्वं सुहं च दुक्खं वा ।
1
I
भणियं च - "पुव्वकयकंमकंडुल्लएण जं जस्स किं पि उक्किरियं । निययनिडाले दुक्खं सुहं व तं तेण भोत्तव्वं" ॥६७॥ [ ] तओ एवंविहभवियव्वयानिओएण सोरियउरे पच्चूससमुट्ठिएहिं दोहिं इब्भवयंसएहिं दिट्ठाओ ताओ मंजूसाओ । गहियाओ दोहिं वि एक्केक्का । नीयाओ य सगिहेसु । तत्थ य निरिक्खियाओ । दिट्ठाणि य ताणि दारग -दारिगाणि अच्चन्तरूवसमंनियाणि । समप्पियाणि य निययजायाणं । तओ निवेइयं जहा पच्छन्नगब्भाओ एयाओ पसूयाओ । कयं च महाबद्धावणयं दोहिं वि वणिएहिं । तओ कमेण सुहंसुहेण य परिवड्ढियाणि । गहियाओ य कलाओ । संपत्ताणि य जोव्वणसिरिं । तओ तेहिं इब्भेहिं नियसंतइनिमित्तं परोप्परमभिमंतिऊण जहा - जुत्तो एएसिं परोप्परं संबंधो । तओ दिन्ना कुबेरदत्तस्स कुबेरदत्ता । तओ एवं च वर्द्धतमणोरहाणं समागओ कल्लाणदियहो वत्तं च महावि- भूईए तंमि दिणे पाणिग्गहणं । तेसिं च इमो कुलायारो जहा - वत्ते विवाहमंगले वहू-वरेहिं जूयकीलापमोओ कायव्वो । तओ ताण वयंस- वयंसियासहियाहिं दोन्नि वि जूयकीलाए कीलिउं पवत्ताइं । तहाविहभवियव्वयानिओएण निज्जिओ तीए कुबेरदत्तो । तओ सहीहिं घेत्तूण तस्स हत्थाओ कुबेरदत्तनामंकियमुद्दा गहणनिमित्तं समप्पिया तीए कुबेरदत्ता । तओ सा निव्वत्तेउं पवत्ता । तओ सरिसरूवपमाणनामगघडणं च पेच्छिऊण चिंतिउं पयत्ता - अहो किं पुण एयाणं कारणं समरूयत्ते मुद्दाणं ? न य मम इमं पइ भत्तारबुद्धी समुप्पज्जइ । ता भवियव्वमिहेत्थ कारणेण । कयाई एस मम भाया हवइ । इमं च एवं परिचितिऊण समप्पियाओ दो वि मुद्दाओ कुबेरदत्तस्स करे तीए । तओ तस्स वि दट्ठूण ताओ तहेव चिन्ता समुप्पन्ना । लज्जिओ य तीए । तहावि किं पि भावं पयंसिऊण समप्पिऊण य तीए संतियं मुद्दं गओ जणणिसयासं । तओ सहसा वि काऊण महानिब्बंधेण पुच्छिया तेण निययसमुत्थाणं । तीए वि गरुयनिब्बंधं नाऊण जहाभूयं कहियं निरवसेसं । तओ तेण भणिया सा- 'अंब ! न सुटु सोहणं तुब्भेहिं समुट्ठियं । जमम्हाण अणज्जमाणाण संबंधो कओ'त्ति । तीए भणियं - 'वच्छ !
Jain Education International 2010_02
For Private & Personal Use Only
www.jainelibrary.org