Page Text
________________
अट्ठमो उद्देसओ
११७ तओ पभवेण भणियं-'अहो महाणुभाव जंबुकुमार ! को सो कुबेरदत्तो, कहं च तेण जणणिगमणं कयं, सहोयरा पुण जाया कय त्ति ? तओ जंबुणामेण भणियं निसुणसु' ।
[कुबेरदत्ताकहाणयं ।] अवि य- उत्तुंगधवलपायारपरिगया पवरगोउरसणाहा ।
लडहविलासिणिजुत्तो परिकलिया देवभवणेहिं ॥६३॥ अत्थि जएसु पसिद्धा जिणिंदवरथूहमंडियहिरामा ।
पासजिणजमभूमी नयरी महुर त्ति नामेण ॥६४॥ तीय य नयरीए आसि कुबेरसेणा नामा एक्का गणिया । अन्नया य सा आवन्नसत्ता संजाया । थोवडियहेहिं य बाहिउं पयत्तो तीए सो गब्भो । दंसिया य जणणीए विज्जाणं । तेहिं भणियं-'जमलगब्भदोसेणं इमीए बाहा संजो(जा)य त्ति । न उणं अन्नो को वि वाहिविसेसो' । तओ एवं च मुणियपरमत्थाए जणणीए सा भणिया-'पुत्त ! मा तुह पसूइसमए देहपीडागारी इमो जमलगब्भो हवेज्जा । ता इमं केण वि दिव्वजोएण गालेमो से गब्भं । तओ निरुवहयसरीरा तुमं हविस्ससि, परिभोगारिहा य । पुत्तभंडेण य न किं पि अम्हाण तहाविहं पओयणमत्थि' । तीए कुबेरदत्ता एन पडिवन्नमिमं वयणं ति । भणिया य जणणी-'अंमा ! अन्नो को वि परूढगब्भे विणिवाडिज्जमाणे सरीरविणिवाओ भविस्सइ। ता जायाअ(5)णंतरमुज्झिस्सामो'त्ति । पडिवन्नं च तीए । तओ अन्नया य उचियसमएण पसूया सा दारयं दारियं च । तओ जणणीए भणिया सा-'परिच्चइज्जंतु एयाइं बहुदुक्खकारयाइं । मा तुमं एयाणि(णं?) कामुगपुरिसाणं उवहासणिज्जा होहिसि। जहा दुगुणदुगुणं एसा पसवई' त्ति । तओ तीए भणियं-'जइ ते एवं निब्बंधो ता पालिज्जंतु दसअहोरत्ताई। तओ उज्झिस्सामो' । तओ तीए अवच्चनेहाणुराएण दोमुद्दाओ कुबेरदत्त-कुबेरदत्तानामंकियाओ विणिमवावियाओ । पूरे य दसअहोरत्ते मणिरयणसुवन्नपडिपुन्नासु मंजसासु निहित्तमेक्केक्कं तेसिं दारगदारिगाणं । पवाहियाणि य जमुणानईए । तओ तीए पवाहेण भी(ती)रमाणाणि पत्ताणि सोरियनयरासन्ने । तओ तहाविहभवियव्वयाए किं जायं तेसिं?
Jain Education International 2010_02
For Private & Personal Use Only
www.jainelibrary.org
| SR No. | 002554 |
| Book Title | Jambuchariyam |
| Original Sutra Author | N/A |
| Author | Jinvijay, Chandanbalashree |
| Publisher | Bhadrankar Prakashan |
| Publication Year | 2009 |
| Total Pages | 318 |
| Language | Sanskrit |
| Classification | Book_Devnagari & Literature |
| File Size | 12 MB |