________________
११६
जंबुचरियम् जत्तो जत्तो गम्मइ तत्तो तत्तो जरा य मच्चू य । कलुणा य विप्पओगा नत्थि सुहं किं पि संसारे ॥५१॥ [ ] जम्मण-मरण-परंपर-संजोग-विओग-दुक्खसंतत्ता । तिलपीलए व चक्के भमंति संसारचक्कंमि ॥५२॥ [ ] जीयंमि चले पेमंमि चंचले जोव्वणंमि छणभूए । नि(दि ? )वसं पि जं विलंबह तं कालं बंधिया होइ ॥५३॥ [ ] अबुहो जणो न याणइ ससरीरे अत्तणो पडन्ताई। जीवस्स जोवणस्स य दिवस-निसाखंडखंडाइं ॥५४॥ [ ] निसि-दियहतिक्खदंतं तुरियं परिभमइ कालकरवत्तं ।
छिदइ आउक्खंभं आहारं देहभवणस्स" ॥५५॥ [ ] अन्नेहिं वि भणियं
"जीयं जलबिंदुसमं संपत्तीओ तरंगलोलाओ । सुमिणयसमं च पेम्मं जं जाणह तं कुणिज्जाह" ॥५६॥[वैरा.श./गा.४४] ता हो ! संसारंमि पलित्ते जंमजरामरणरोगसंतत्ते । जो बोहेइ अबुद्धं सो तस्स जणो परमबंधू ॥५७।। जं पुण भुंजसु भोए इमाहिं सह ताव ते इमं भणियं । तं सुव्वउ परमत्थो इमाण पावाण विसयाणं ॥५८॥ "विज्जुलया इव चवला विसपरिणामं व दारुणा विसया ।
वेसित्थिसरूवं पिव बहुसामन्ना इमे विसया" ॥५९॥ [ ] "मोहणवेल्लि व्व इमं मोहिंति नरं सुपंडियं जइ वि ।
नेहगहिया वि विमुहा पिया वि तह अप्पिया हुंति" ॥६०॥ [ ] अवि य- "अथिरा चवला दुट्ठा घोरा रोद्दा सुदारुणा पावा ।
नरयगइपंथभूया विवज्जणीया अओ विसया" ॥६१॥ [ ] विसयामिसमूढमणो पुरिसो जणणि पि वच्चए पावो । भइणि पि कुणइ जायं कुबेरदत्ता व्व मूढमणो ॥६२।।
Jain Education International 2010_02
For Private & Personal Use Only
www.jainelibrary.org
