________________
११५
अट्ठमो उद्देसओ
पच्छा करेसु विउलं........
कीरउ एस पसाओ एयाणं निययजायाणं ॥३९।। अन्नं च- इमे य सयणा जणणी जणए य नेहपडिबद्ध ।
कह मुंचसि दीणमुहे ता मुंचसु एयमसगाहं ॥४०॥
___ तओ इमं च निसामिऊण भणियं जंबुणामेणजं भणियं-कह मुंचसि जणणी जणए य नेहपडिबद्धे ।
तं पहव ! तुमं निसुणसु परमत्थं जणणि-जणयाणं ॥४१॥ को कस्स एत्थ जणओ का वा जणणि त्ति को भवे पुत्तो । अरहट्टघडीसरिसे संसारे को हवे सयणो ॥४२॥ जा होइ एत्थ माया भइणी होऊण सा भवे जाया । जणओ वि होइ पुत्तो सत्त मित्तो पुणो भाया ॥४३॥ सव्वे वि जणणि-जणया जणओ( णी?) जणए अहं पि सव्वेसिं । जीवाणं संसारे तम्हा को नेहपडिबंधो ॥४४॥ भणियं च एत्थ जम्हा जिणवरमग्गाणुसारिणा कविणा । केणावि सुण फुडत्थं साहिप्पंतं पयत्तेण ॥४५॥ "एमेव महामोहेण मोहिया माणुसत्तणं लहिउं । परलोयहियं न कुणंति नेहपासेहि पडिबद्धा ॥४६॥ [ ] जो चिंतिज्जइ आसन्नबंधवो एस वसणकालंमि । संपत्ते मह होही सो वि मरंताण किं कुणइ ॥४७॥ [ ] सयणेण धणेण व संचिएण बुद्धीबलेण विज्जाए । किं कीरउ विउलेण वि सहसा य समुट्ठिए मरणे ॥४८॥ [ ] कंममओ संसारो कम्मं पुण नेहबंधणं जाणे । नेहनियलेहिं बद्धा भमंति संसारसागरे जीवा ॥४९॥ [ ] अधुवं चलं असारं दुरत्तयं वाहिवेयणापउरं । तुसमुट्ठि व्व असारं किं न मुणह रित्तयं लोयं ॥५०॥ [ ]
Jain Education International 2010_02
For Private & Personal Use Only
www.jainelibrary.org
