________________
११०
जंबुचरियम् जं पुण सेसं पाणिग्गहणं कयं मए सोम ! ।
तं गुरुयणतोसत्थं वरमुहदंसणनिमित्तं च ॥४६॥ तओ एवं च-निसामिऊणं पभवो विम्हयक्खित्तमाणसो अणेयमणिपहासमूहसमुज्जोइए उवविठ्ठो कोट्टिमतले । चिंतिउं च पयत्तो-अहो पेच्छ पेच्छ इमस्स ललियक्खरालावत्तणं, महुरपियजंपिरी य अमयमया इव इमस्स वाणी । सव्वहा वि इमस्स रूयजोव्वणलायन्नगुणविहवपरियणाण(रिण्णाण) अणण्णसरिसस्स पेच्छ केरिसो चेव इमस्स अणुरूवो । एक्कपएणेव महाविरागयासमन्निओ धंमाणुराओ समुप्पन्नो । इमाओ य रूयजोव्वणविलासलायन्नगुणोहामियसुरासुरसुंदरीओ पवराहिणवुव्वाहियजायाओ वि मोत्तुकामो इव नज्जइ एसो । ता न सुट्ठ सुंदरं इमं । अहवा दे उवइसामि इमस्स उवएसं। कयाइ तमणुचिट्ठइ त्ति चिंतिऊण भणियंअवि य- सुवुरिस ! धम्मस्स फलं पत्ताओ ते इमाओ विलयाओ ।
माणेसु विसयसोक्खं एयाहि समं तुमं ताव ॥४७॥ पच्छा पुणो वि धंमं विगयवओ गुरुयणस्स पासंमि । जह इच्छियं करेज्जसु वारेमो नो वयं तुब्भे ॥४८॥ इह जंमसुसंपयभोगफलं लहिऊण परत्त सुदेवसुहं । गुणपालणसंजमनाणजुया अइरेण लहंति ते मोक्खपहं ॥४९॥ इय जंबुनामचरिए विवाहपरिमंगलो त्ति नामेण । पहवस्स दंसणकरो उद्देसो इह समत्तो त्ति ॥छ।। ॥५०॥
Jain Education International 2010_02
For Private & Personal Use Only
www.jainelibrary.org
