________________
१०६
जंबुचरियम् जिणभवणे। तओ निव्वत्तियं पूयोवयाराइयसयलं जिणबिम्बाण करणीयं । थुणिउं च समाढत्तो । अवि य-कंमकलंकविमुक्के जम्मणजरमरणवाहिपरिहीणे ।
लोअग्गमग्गपत्ते सव्वे वि नमामि जिणयंदे ॥१५॥ अट्ठसयलक्खणधरे पाए सुरविंदचंदपरिसहिए । तित्थयराणं नमिमे( मो) सव्वेहि कम्ममलमुक्के ॥१६॥ इय थोऊण सहरिसं तिहुयणनाहाण जिणवरिंदाण ।
पणिवइओ पयकमले जंबुकुमारो सह पियाहिं ॥१७॥ तओ एवं च-कयपणामपूयोवयारो सहरिसपईयमाणसयलसमागयलोयमग्गो नीहरिओ जिणभवणाओ । तेणेव य विहिणा संपत्तो नियमंदिरं ति । तत्थ वि सुरहिपइन्नकुसुमदामविलंबियपवराहिरामं, कप्पूररेणुकुंकुमकेसरलवंगकत्थूरियसुरहिगंधट्ठपूरपूरियं, विप्फुरमाणुब्भडपोमरायसमुज्जोइयओवरं नाणावयारचीणंसुयमहासमुल्लोयकयपवरवित्थरं चलमाणमत्तमहुयरझंकारमुहलियमुहरवं पविट्ठो कुमारो वासहरं ति ।
तत्थ वि नाणामणिरयणमुत्ताहलविहूसिएसु, चामीयरविणिंमवियमहाभद्दासणेसु सह जणणिजणएहि उवविठ्ठो जंबुकुमारो । ताओ वि पोमरायमणिखइयकणयपवरपहासणेसु निसन्नाओ उभयपासेसु कुमारस्स अट्ठ वि दइयाओ । तओ एवं च, सुहासणोवविट्ठाण तत्थ के वि हरिसतोसनिब्भरा गायंति लोया । अन्ने उण सहरिसं पणच्चंति । अन्ने वीणावेणुमुयंगमहुररवाखित्तमाणसा निसुणंति । अवरे य नाणावयारकीलाविसेसवावडा मुइयमाणसा कीलन्ति विविहकीलाविसेसेहि ।
[प्रभवराजकुमारवर्णनम्] तओ एवं च हरिसि(स)तोसनिब्भरमणे सयलसमागयलोए किं जायं ? विजयउरनिवासिणो वीससेणस्स रन्नो तणओ परक्कमाहिमाणधणो सयलविन्नाणकलाकलावकुसलो पहवो नाम रायकुमारो । तस्स य पहु नाम कणीयसो भाया । पिउणा य वीससेणेण पहवकुमारं विलंघिऊण तस्स दिन्नं रज्जं । पहवो य अभिमाणधणो निग्गओ तस्स रज्जाओ।
___JainEducation International 2010_02
For Private & Personal Use Only
www.jainelibrary.org
