________________
सत्तम उद्देओ
१०५
तओ कयाइं देसवेसकुंलसमयसूयगाइं असेसाई मंगलकोउयाई ति । तओ इमं य अवसरे अत्थगिरिसिहरमइलंबिओ दिणयररहवरो ।
अवि य- संकुचियनियपयावो अत्थमणं पेच्छ कमहं पत्तो । साहणहेउं नज्जइ अवइन्नो महियलंमि रवी ॥१०॥ अत्थमिए रविदइए संझा नवरंगपाउयसरीरा । पु(बु)ड्डणहेउं नज्जइ उच्चलिया उयहिसलिलंमि ॥११॥ रविनरनाहेऽत्थमिए भुयणं ओपेच्छ कसिणदेहेहिं । तमभिलेहिं गसिज्जइ व (ध) णियं संरुद्धमग्गेहिं ॥१२॥ असमंजससंगसिए भुवणे रोसेण धमधमेंतो व्व । किरणसरेहिं वहंतो तमवक्खं पसरिओ चंदो ॥१३॥ इयरेसिं [च] पओसे समंतओ चंदकिरणसंपसरे । सज्जणहियए व्वऽमले आणंदियसव्वजंतुज ॥१४॥
तओ सो जंबुणामकुमारो पहायसुइभूओ धवलधोयवत्थजुयलनियंसणो सियचंदणचच्चियसरीरो, वंदियगोरोयणो, सिद्धत्थयरइयपवरतिलओ, खंधरावलंबियसियकुसुमसुरहिदिव्वदामो, सयलसयणपरियरिओ, नयरइब्भजणेण य अणुगंममाओ, वयंसयसत्थसमुववेओ, पढ़तेण बंदियणएणं, पगीयमाणेहिं अविहवकलमंगलसएहि, समंतओ खिप्पमाणाहिं सिज्झियसुरहिकुसुमदामंजलीहिं, पदीयमाणेण य महादाणविच्छड्डेण, रसंतेहिं मुइंगपवणकंसालयसंखकाहलरवेहिं, जंबूदीवाहिवइअणाढियजक्खरायकयसंनेज्झो चलिओ ससुरहरं । सुहदिणलग्गजोयवारमुहुत्ते य आरूढो विवाहवेइमंडववरं । तत्थ य निव्वत्तियसयलकेउयकरणीयविहाणेणं, लज्जोणयवयणकमलवलंतनयणकडक्खपेच्छिरीणं, गहियं तेसिं दारियाणं करं करेणं ति । तओ एवं च विहिणा निव्वत्ते पाणिग्गहणे, पसाहिए य सयलासेसकरणीए, तओ(?) आरूढो जंबुणामकुमारो सह दारियाहिं, कंचणमणिरयणमयगलदसणविणिम्मविए सिवियारयणे त्ति । तओ पलंवधरियसियायवत्तो, निवडंतपदोलायमाणसियचारुचामरजुयलो मंगलवाढयजयजयारवपूरियसयलदियन्तो कमेण य गच्छमाणो संपत्तो जिणभवणं ति । तत्थ य अवयरिओ सिवियाओ । पविट्ठो य विहिपुव्वयं सह मणहरपियाहिं
Jain Education International 2010_02
For Private & Personal Use Only
www.jainelibrary.org
