________________
१०४
अवि य
अणवरयदीहपसरियनीसासुण्हायमाणहिययाओ । तेण तणुयाओ सहसा जायाओ पंडुरमुहाओ ॥४॥
नेहवसनयणपसरियजलनिवहवहंतसित्तथणयाओ । उन्नव (य) णाओ अट्ठ वि मुहु मुहुमुज्झतसासाई (ओ) ॥५॥ तओ, एवं च कह कह वि समासत्थाओ एक्कमेक्कविणिच्छियाओ सव्वाओ वि जणए भणिउं समाढत्ताओ - 'किमेवं तुब्भे अभिमन्तेह' !
अवि य- सहयारमंजरीदिव्वपरिमलं किं कयाइ मोत्तूण | अहिलसइ भसलजूहं सुकुसुमियं जइ वि निंबवणं ॥ ६ ॥ तहा- सव्वन्नुवयणवित्थरपरमत्थपयत्थलद्धसब्भावो ।
किं रमइ को वि भमिओ कुसासणे मूढदिट्ठी वि ॥७॥ तहा - खरनहरतिक्खदारियकरिकुंभकरंकलिहणदुल्ललियं । सीहं मोत्तूण पई कि सीही जंबुए रमइ ॥८॥
तह जो लडहविलासिणिसमंतओ नयणबाणछन्नो वि । न वियारेणं घेप्पइ तं मोत्तुं कस्स दिज्जामो ॥ ९ ॥
जंबु
ता सव्वा विमा एवमभिमन्तेह; किं तस्स दाऊण अम्हे अन्नस्स दिज्जामो ति । जओ लोयसु वि सुव्वह - " सकृत् कन्याः प्रदीयन्ते " इति । अन्नं च जइ सो कह वि मुणालतंतुवलएहिं मत्तदिसागओ व्व सव्वत्थ अपरिखलियपयावो विसयसुहत हानिबंधणेहिं अज्जेव काही पव्वज्जारयणगहणं ता सोहणं, अम्हे वि तेणेव समं अणुपव्वइस्सामो । जइ पुण कइ विदियहे अम्हाणुग्गहं कुणमाणो केण वि अम्ह गुणेणेव विलंबही तहा वि सोहणं चेव त्ति । तओ इमं च तेसिं निच्छओ (यं) नाऊण सहरिसेहिं सव्वइब्भेहिं निवेइयं उसहदत्तस्स । जहाउज्जमसु सयलसामग्गीए । पडिवन्नं च तेण । तओ किं कीरिडं पयत्तं ? - विरइज्जंति मंचसालाओ, उवणिज्जंति महाकुलालाई, मंडिज्जति धवलहराई, मंडिज्जंति ( ? ) महाभवणभित्तीओ, घडिज्जए कलहोयं, कीरंति उल्लोवट्ठी (चा? ), निमंतिज्जइ बंधुयणो, सक्कारिज्जति महाखंडगज्जाइं, उवक्कीरिज्जंति भक्खावेसेसाई ति । सव्वहा वि पगुणीकयं सव्वमुवगरणं ति । समागओ य पूरंतमणोरहहलफडा (ला) णं उभयकुलाणं पि विवाहमंगलदियो ।
Jain Education International 2010_02
For Private & Personal Use Only
www.jainelibrary.org
