________________
सत्तमो उद्देसओ
१०७ भणियं च- "मन्नइ य तणसमाणं पि परिहवं मेरुमंदरसरिच्छं ।
को वि जणो माणधणो अवरो अवरो च्चिय वराओ" ॥१८॥[ ] अन्नेहिं वि भणियं-"अवि उ8 चिय फुटृति माणिणो न य सहति अवमाणं ।
अत्थमणे विय रविणो किरणा उड़े चिय फुरंति" ॥१९॥ [ ] तओ सो समस्सिओ य विंझगिरिं सह भडसमूहेण । तओ तत्थट्ठिओ घाएइ गामे, लूडेइ सत्थे, करेइ चोरियत्तणं, देइ उक्खंदे, वावाएइ पच्चन्तनरवइसमूहे । सव्वहा तत्थट्ठिाओ] असज्झो सो सयलनरवईणं पि । तओ सो खोलपुरिसेहितो णाऊण इमं जंबुणाम विवाहइयरं समागयं च इब्भसमूह, बहुरयणकोडिकंचणविहूसियं जणसमूहं । तओ समागओ पच्चलचोरसमन्निओ सो, अवसोयणितालुग्घाडणविज्जाहिं समंतओ सुपसिद्धकित्ती । पविट्ठो य उसहदत्तभवणं । दिट्ठा य जंबुकुमारपमुहेहिं । केरिसा ते चोरभडा ? । अवि य- उद्धनिबद्धब्भडकेसकलाववियडजूडया,
चंदणवहललेवपरियड्डियपवरछेवया। कुवियभुयंगसरिसधणुवावडवामहत्थया,
भीसणतिक्खबाणदाहिणकरवरा चोरय त्ति ॥२०॥ अवि य- दिट्ठोयताण मज्झे पीणनिरन्तरविसालवच्छयलो ।
आयंवदीहपम्हललोयणजुयदीहभुयदंडो ॥२१॥ तओ तेण अउव्वमुत्तिणा पहवाभिहाणेण चोरसेणावइणा अवसोविओ अवसोयणिविज्जाए जंबुकुमारो त्ति । सत्तहत्थवहिववत्थियसयलो जणसमूहो । तओ ते तस्स तक्करभडा घेत्तुं पयत्ता रयणमुत्ताहारवत्था हरणमाईअच्चंतमहग्घे महालंकारे जणस्स । तओ इमं च एवं असमंजसं दट्ठण ताओ दारियाओ केरिसाओ किं काउं समाढत्ताओ?अवि य- वेविरपओहराओ भयतरलतरत्तपुन्नवयणाओ।
सरणं ति मग्गिरीओ जंबुकुमारंमि लीणाओ ॥२२॥ तओ भणियाओ जंबुणामेणअवि य- मा भयह मुद्धडाओ इमाण अहमाण चोरपुरिसाण ।
जिणवयणभावियंमी ममंमि पासट्ठिए एत्थ ॥२३॥
Jain Education International 2010_02
For Private & Personal Use Only
www.jainelibrary.org
