Page Text
________________
जंबुचरियम् विरहिया मरणंते देवगइगामिणो जुयलाहमिया मणुस्सा भवंति । बीया य सूसमा तिहिं सागरोवमकोडाकोडीहिं वच्चइ, तत्थ य दुप्पल्लोवमाउणो दुगाउयप्पमाणा सेसं सव्वं तहा जहा पढमे । किंतु मणायं मंदाणुभाविणो तेसिं ते कप्पडुमा भवंति । तइया य सुसमसमा दुहि सागरोवमकोडाकोडीहिं वच्चइ, तत्थ य एगपल्लोवमाउणो एगगाउयप्पमाणा य जुयलाहमिणो । सेसं सव्वं जहा बीए; किंतु मणायं मंदाणुभाविणो हवंति तेसिं कप्पडुमा। चउत्थी दुसमसूसमा एगाए सागरोवमकोडाकोडीए बायालीसवरिससहस्सूणाएवच्चइ, तत्थ य पुव्वकोडीय पढममंते य वाससयाउणो हवंति । पंचधणुसयपमाणा य पढमं अंते य सत्तरयणीउ पमाणं मणुयाणं ति । एयंमि वोच्छिज्जइ । जुयलाहमो, न होंति चिंतियफलदाइणो कप्पडुमा । उववज्जति चउवीसं तित्थयरा, दुवालसचक्कवट्टिणो, नववासुदेवबलदेवा य । नज्जइ धंमा,मो । हवंति धन्नविसेसा । नजंति कलाओ। पयडीहंति विन्नाणाइं । संगहिज्जंति धन्नविसेसाइं । कीरंति सव्वववहारं ति । तओ एवं च वच्चमाणेसु दियहेसु वोच्छिन्नेसु तित्थयरचक्कवट्टि-वासुदेव-बलदेवेसु होही दूसमा पंचमकालो । एगवीसवरससहस्सेहिं सा वच्चइ । तत्थ य वरिससयसत्तरयणीहिंतो वि परिहीयमाणं आउय[देह? ]पमाणं हवइ । थोवो य से तत्थ धंमो, बहुओ अहंमो । विरला साहुणो, बहुयाओ कुपासंडिणो। दुल्लहं सच्चं, बहुयमसच्चं । थोवा सज्जणा, बहवे दुज्जणा । परिहीलिज्जति विज्जाओ । पम्हुसन्ति विन्नाणाइं । अप्पोयगवरिसणं । बहवे दुक्काला। ताव जाव वोच्छिज्जिही धंमो । भणियं च
"एयंमि अइक्कंते वाससहस्सेहिं एक्कवीसाए । फिट्टिहिइ लोगधम्मो अग्गी मग्गो जिणक्खाओ ॥१७१॥ पुव्वाए संझाए वोच्छेओ होइ धम्मचरणस्स । मज्झण्हे रायाणं अवरण्हे जायतेयस्स ॥१७२॥ पच्छिमसंझाए भवे कुलवोच्छेओ उ देस,माणं । सो खलु वोच्छेओ दूसमाए चरिमंमि समयंमि ॥१७३॥ अवसप्पिणीउमीसे चत्तारि अपच्छिमाइं इह भरहे । अन्नंमि दूसमाए संघस्स चउव्विहस्सावि ॥१७४॥
Jain Education International 2010_02
For Private & Personal Use Only
www.jainelibrary.org
| SR No. | 002554 |
| Book Title | Jambuchariyam |
| Original Sutra Author | N/A |
| Author | Jinvijay, Chandanbalashree |
| Publisher | Bhadrankar Prakashan |
| Publication Year | 2009 |
| Total Pages | 318 |
| Language | Sanskrit |
| Classification | Book_Devnagari & Literature |
| File Size | 12 MB |