________________
छट्टो उद्देओ
दुप्पसहो साहूणं सच्चसिरी होइ साहुणीणं च । सड्डो नाइल नामो फग्गुसिरी सावियाणं तु ॥ १७५ ॥ सव्वाऊ पणवीसं अट्ठ य वासा गिहत्थपरियाओ । कालं काही य पुणो अट्टमभत्तेण दुप्पसहो ॥ १७६ ॥ उववज्जिही विमाणे सागरनामंतु (मि) सो उ सोहं । तत्तो य इत्ताणं सिज्झिहिइ सुनिव्वुओ धीरो" ॥१७७॥
तओ एवं च-तंमि दूसमकाले वोलीणे होही एगंतदूसमानाम छट्ठो कालो । एगवीसवरिससहस्सेहिं सो वि वच्चिही, महादुक्खजणगो मणुयाईणं । तस्स य अंते सव्वं वोच्छिज्जिही । किं पि बीयमेत्तं माणुसमाईणं सव्वेसिं जाईणं होहीइ । आहारो कुणिमं तेसिं ।
भणियं च- “होही हाहाभूओ दुक्खब्भूओ हल्लप्फलभूओ । कालो अमाइउत्तो गोधंमसमो जणो पच्छा ॥१७८॥
खरफरुसधूसरयरा अणिट्ठफासा दुहावहा वाया । वायंति भयकरा पुण दुहावहा सव्वसत्ताणं ॥ १७९ ॥ धूमायंति दिसाओ रओसला रेणुपंकबहुलाओ । भीमा भयजणणीओ समंतओ अंतकालंमि ॥१८०॥
चंदा य मुयंति हिमं सूरा य तवंति अहियरं तावं । जेण इहं नरतिरिया सीउण्हभया किलिस्संति ॥१८१ ॥ पुणरवि भिक्ख अभिक्खं अरसं विरसं च खार-खट्टं च । अग्गिविसअसणिसरिसं मुंचइ मेहो जलमणिट्टं ॥१८२॥
जेण इहं मणुयाणं खासं सासं भगंदरं कोढं । होहिंति एवमाई रोगा अन्ने य णेगविहा ॥१८३॥ मणुया खरफरुसनहा उब्भडघोडामुहा विगडनासा ।
नाहिं गुणेहिं य सुनिठुरगिरा भवे सव्वे ॥ १८४॥ रयणीपमाणमेत्तो उक्कोसेणं तु वीस - सोलसमा । बहुपुत्तनत्तुसहिया निल्लज्जा विणयपरिहीणा ॥ १८५ ॥
Jain Education International 2010_02
९७
For Private & Personal Use Only
www.jainelibrary.org
