________________
छट्ठो उद्देसओ
ता एयं वो(णे) सेयं असुरिंदसुरिंदवंदियकमस्स । एयस्स पायमूले गिण्हामि(मो) जमिह सामन्नं ॥१६०॥ ताणेक्केण भणियं सच्चमिणं जं जहा तुमं भणसि । किंतु सुओ ता धम्मो दिट्ठो य गुरू जिणवरिंदो ॥१६१।। एयं वा अन्नं वा जइया उण दच्छिमो उ तित्थयरं । तइआ वि य गिहिस्सं पव्वज्जं तस्स पामूले ॥१६२॥ तो भणियं अन्नेणं वा जइया उण दच्छिमो उ तित्थयरं । तइआ वि य गिण्हिस्सं पव्वज्जं तस्स पामूले ॥१६३॥ भवसायरभव(म)णकिलंतएहिं जरमरणरोगतविएहिं । कंमविवरेण पत्तो कत्तो पुण होज्ज संपत्ती ॥१६४॥ अन्नेण तओ भणियं पुच्छामो जिणवरं इमं एत्थ । किं सुलहं दुलहं वा जिणाण इह दंसणं होइ ॥१६५॥ जइ दुलहं ता सेयं इमस्स मूलंमि अम्ह वयगहणं । अह भणइ होइ सुलहं ता इच्छा तुम्ह सव्वेसि ॥१६६।। सव्वेहिं तओ भणियं एवं ही सोहणं तए भणियं । उवसप्पिऊण सव्वायरेण अह पुच्छिओ तेहिं ॥१६७॥ किं भयवं हुंति जिणा संपइणागयअईयकालेसु । पाविज्जइ सुहमेसिं च दंसणं किं व दुक्खेण ॥१६८॥ अह भगवया वि भणियं निसुणह हो सोम भरहेरवएसु । दुविहो वच्चइ कालो विजएसु य होइ एक्कविहो ॥१६९॥ उवसप्पिणी उ एक्का वीया अवसप्पिणी मुणेयव्वा ।
वीसं कोडाकोडीहिं दो वि अयराण वच्चंति ॥१७०॥ तत्थ अवसप्पिणी छहि अरएहिं वच्चइ । ते य इमे अरया । तंजहा-एगंतसूसमा चाहिं सागरोवमकोडाकोडीहिं वच्चइ, तत्थ य तिपल्लोवमाउणो तिगाउयप्पमाणा य पुन्नविसेसेण कप्पपायवउवणीयभोयणसेज्जगंधमल्लाइउवगरणा रिजुसहावा विसिट्ठबुद्धि
_Jain Education International 2010_02
For Private & Personal Use Only
www.jainelibrary.org
