________________
जंबुचरियम् तओ अन्नेण भणियं-'ता किं पुण इमे समल्लियंति ? ।' तेण भणियंअवि य- जिणमुहकमलविणिग्गयवायारसलद्धगरुयसुहयासा ।
अवहत्थियसेसभया जिणवयकमलं इमे लीणा ॥१४९॥ तओ अन्नेण भणियं
पणयसुरमउडपसरियमयूहसंकंतकब्बुरच्छायं । जायं जिणपयकमलं ओपेच्छसु कणयवत्तं पि ॥१५०॥ जिणभत्तिपणयसुरसुंदरीयणकवोलतेयपडलेहिं ।
बालयरवि व्व जाया पेच्छसु सयले वि दिसिनिवहा ॥१५१॥ अन्नं च- इमेसिं चेव सुरसुंदरीणं । अवि य
तणुलग्गपवररत्तंसुउच्छलियबहलतेयपडलेहिं ।
संझारायजुया इव गयणद्धांता इमे पेच्छा ॥१५२॥ अन्नं च- देहट्ठियभूसणमणिमयूहपसरंतपडलविच्छुरियं ।
सुरतणुमइयं व इमं ओपेच्छसु मेइणीवटुं ॥१५३॥ दीसइ य इमे पेच्छसु ससुरासुरसूरचंदसंकिन्नो ।
देवमइओ व्व जाओ भूभाओ देवलोओ व्व ॥१५४॥ अन्नं च-दिणयरचंदंगारबिहप्फइबुहसुक्कराहुसणिपमुहा ।
सव्वे वि गहा सव्वायरेण ओपेच्छ जिणपणया ॥१५५॥ ता सव्वहा वि पत्तं जम्मफलं जं जिणो समोसरिओ । दिट्ठो अज्जम्हेहिं पच्चक्खं सव्वसुरमहिओ ॥१५६॥ मन्ने अज्ज कयत्था नयणा अम्हाण जं जिणो दिट्ठो ।
अज्जं तिन्नो य इमो रुंदो भवसायरो मन्ने ॥१५७॥ अन्नं च- जं सव्वभाववित्थरपरमत्थविभावयं सुयं वयणं ।
एयस्स तेण मन्ने सवणाण वि अज्ज सहलत्तं ॥१५८॥ ता पत्तं पत्तव्वं अज्जं अम्हेहिं पुन्नफलमेयं । जं दिटुं पयकमलं कलिमलमहणं जिणिदस्स ॥१५९॥
Jain Education International 2010_02
For Private & Personal Use Only
www.jainelibrary.org
