________________
९३
छट्ठो उद्देसओ
दिटुं च तेहिं सहसा देविंदविणिमियं समोसरणं ।
कंचणरयणसमिद्धं अवयरियं सग्गखंडं व ॥१३७॥ तओ- ताणं परोप्परं चिय उल्लावो सहरिसाण संवुत्तो ।
पेच्छह पेच्छह एयं दिव्वं हो जिणसमोसरणं ॥१३८॥ सुरधणुवलयं व इमं अणेयरयणेहिं विविहवन्नई। पेच्छह हो एयं पि य रयणमयं पढमपायारं ॥१३९॥ रविमंडलं च उइयं कणयमयं पेच्छ बीयपायारे । सरयब्भपुंजघडियं व पेच्छ तइयं पि रुप्पमयं ॥१४०॥ नवजलहरपडलं पिव फुरंतविज्जुज्जलं इमं पेच्छ । वहलघणनीलपत्तं रत्तपवालं वरअसोयं ॥१४१॥ पगलियकलंकससिबिंबधवलवरमालिय व्व रेहंती । पेच्छसु जिणिदउवरिं रिछोली आयवत्ताण ॥१४२॥ सरयससिबिंबनिग्गयमयूहसच्छायसोहिरपहालो(? ले)। कणयमयडंडरुइरे पेच्छसु अह चामरकलावे ॥१४३॥ सुरधणुसमसोहेहिं पवणपहोलंतधयवडग्गेहिं । थाहरमाणं व इमं गयणयलं पेच्छ भव्वयणे ॥१४४॥ मयरंदमत्तमहुयरनिब्भररवमुहरजणियझंकारा । ओपेच्छ कुसुमाण( कुसुम )वुट्ठी विंटट्ठियपंचवन्नाहा ॥१४५॥ बहिरंतदिसायक्को जयजयजयघोसघोसणामुहलो । सुरमणुयासुरकिंनरमुहकमलविणिग्गओ पेच्छ ॥१४६॥ मुहलेइ दिसाए( य)क्कं निब्भररवभरियभुयणविवरोहो ।
सुरकरताडियदुंदुहिपवरनिनाओ इमो पेच्छ ॥१४७॥ तओ अन्नेण भणियं-'अहो वयंस ! पेच्छ पेच्छ किं पुण इमे कुरंगमजूहा मंदगईए समल्लियंति जिणं पइ ?' तेण भणियंअवि य- कंचणतोरणपसरियबहलमयूहोहपूरियदिगंतं ।
मन्नंता दवजलणं मंदं मंदं इमे लीणा ॥१४८॥
Jain Education International 2010_02
For Private & Personal Use Only
www.jainelibrary.org
