________________
जंबुचरियम् तेण भणियं-जइ एवं ता निसुणह जंमजरामरणरोगसंतत्तो ।
सिद्धिवहुदसणमणो भीओ हं भवसमुद्दाओ ॥१०१॥ ता मुंचह मे अज्जं जेण य गिण्हामि दुक्खखयजणणि । पव्वज्जं गुरुमूले मूलं जा सिद्धिसोक्खाणं ॥१०२॥ सोऊण इमं सहसा विगलियअणवरयबाहनियरेहिं(नयणेहिं)। जणणि जणऍहि भणियं सगग्गयं नेहनडिएहि ॥१०३॥ जं नाम वच्छ धंमो निसुओ अच्चंतसोहणं एयं । जं पुण एयं अन्नं तं कालो तुज्झ को एस ॥१०४॥ जिणसासणंमि भत्ता अच्चंतं आसि पुव्वपुरिसा वि ।
सहसा तेहिं वि न कयं निक्खमणं तुम्ह गोत्तंमि ॥१०५॥ अन्नं च- तुह मुहयंदपयंसणविरहानलजालगाढदड्डाणं ।
कुमुयाण व कत्थ पुणो अम्हाणं निव्वुई होज्जा ॥१०६।। अन्नं च- अम्हाण वि बहुकालं धम्मं जिणभासियं सुणन्ताण ।
न य एरिसो अउव्वो एक्कपए निच्छओ जाओ ॥१०७॥ तओ- ईसिवियसंतवयणारविंदपसरंतदसणकिरणेण ।
अह भणियं कुमरेणं एयं पि न कारणं एत्थ ॥१०८।। जओ- कालेणमणंतेणं तत्तं न मुणंति के वि मूढमणा ।।
अन्ने उण थेवेण वि पारं गच्छंति कज्जस्स ॥१०९॥ एत्थ य सुण अक्खाणं इमस्स अत्थस्स सूयगं एक्कं । तेहिं वि भणियं साहसु तो भणियं जंबुनामेण ॥छ। ॥११०॥ आसि वसंतपु[ र व]रे लायन्नवइ त्ति नाम वरगणिया । रूयवई गुणजुत्ता महाधणा तंमि कालंमि ॥१११॥ तीए समं रायसुया पुत्ता इब्भाण अ(इ?)त्थि प(व)रभोगं । काऊण जंति बहवे नाउं गमणूसुए सावि ॥११२॥
Jain Education International 2010_02
For Private & Personal Use Only
www.jainelibrary.org
