Page Text
________________
८९
छट्ठो उद्देसओ मेहुणपरिग्गहविरया बायालीसेसणादोसपरिसुद्धपिंडगाहिणो संजोयणाइपंचदोसरहियकालभोइणो पंचसमिया तिगुत्ता निरइयारवयपरिपालणत्थमेव इरियासमियाइपणुवीसभावणोववेया, अणसणामोणोयरियाइपायच्छित्तविणयबाहिरब्भंतरतवोगुणप्पहाणा मासाइयाइअणेगपडिमाधारिणो विचित्तदव्वाइअभिग्गहरया, अम्हा(ण्हा?) लोयलद्धावलद्धवित्तिणो निप्पडिकंमसरीरिणो समतणमणिलेटुकंचणा; किं बहुणा अट्ठारससीलंगसहस्सधारिणो, उवसमाईयविबुहजणपसंसियसमसुहसमेया, अणेगगामागरनगरपट्टणमडंवदोणमुहसंनिवेससयसंकुलं विहरिऊण वसुहं मिच्छत्तघणपंकयपडिबद्धे य सद्धमकहणदिवागरोदएण पडिबोहिऊण भव्वकमलागरे महातवचरणपरिकंमियसरीरा जिणोवइटेणं मग्गेणं कालमासे कालं काऊण देहं परिच्चयंति त्ति । तो अहं पि इयाणी गंतूण गुरुचलणंतिए गिण्हामि विसिटुं वयविसेसं । आमरणं पि मे सेयाय भविस्सइ त्ति । इमं च चिंतिऊण भणिओ सारही-'भद्द! पडिप्पहं चोएहि तुरंग-मे, जेण गुणसिलए चेइए गंतूण वंदिऊण य गुरुं तओ पसिद्धपहेण पविसामो' त्ति । तेण य तह त्ति पडिवज्जिऊण तहेव समायरियं । पत्तो य गुरुपायमूलं कुमारो । तओ वंदिऊण य विन्नत्तो गुरू । ___ अवि य- धणियमहं निम्विन्नो जंमजरामरण एत्थ संसारे ।
ता भयवं आमरणं बंभच्चरियं वयं मज्झ ॥१६॥ गुरुणा भणियं गुरुविक्कमेण ते निज्जिओ मयरचिंधो ।
तिन्नो च्चिय संसारो ता एयं हो अविग्घेण ॥१७॥ तओ एवं गहिय महादुद्धरवओ पुणो पुणो वंदिऊण गुरुणो चलणारविंदजुयलं समारुहिय रहवरं पविट्ठो नयरं । संपत्तो य अत्तणो भवणवारं । ओयरिओ य रहवराओ कयपणामो य अंमापियरं विन्नविउं पयत्तो । अवि य- ताय मम मए धम्मो निसुओ जिणयंदभासिओ विमलो ।
सयलदुहक्खयगारी हेऊ जो सयलसोक्खाणं ॥९८॥ सुरसिद्धकिंनरोरगपणमियचलणारविंदजुयलस्स ।
चरिमजिणयंददिक्खिय सुहंमसामिस्स पासंमि ॥९९॥ तेहिं भणियं- तं धन्नो जेण सुओ सुहंमसामिस्स पायमूलंमि ।
धंमो जिणवरभणिओ सत्ताण हिओ सुगइमूलं ॥१००॥
Jain Education International 2010_02
For Private & Personal Use Only
www.jainelibrary.org
| SR No. | 002554 |
| Book Title | Jambuchariyam |
| Original Sutra Author | N/A |
| Author | Jinvijay, Chandanbalashree |
| Publisher | Bhadrankar Prakashan |
| Publication Year | 2009 |
| Total Pages | 318 |
| Language | Sanskrit |
| Classification | Book_Devnagari & Literature |
| File Size | 12 MB |