Page Text
________________
जंबुचरियम् पडिवन्नसंमत्तसावगधम्मेण भणियं जंबुणामण-'भयवं ! धंनो हं जेण मए पावमलपक्खालणं रागाइविघायणं पसमाइगुणंकरं भवचारयविमोयणक्खमं सुयं तुम्ह वयणामयपवित्थरं ति । तो आइसंतु गुरवो, जं मए कायव्वं । अहवा समाइ8 चेव भगवया; ता देहि मे ताव गिहिधम्मसारभूए अणुव्वयाइए गुणट्ठाणे, जाव आउच्छिऊण अम्मापियरं भगवया उवइट्ठउवसमसेढिखवगसेढिकेवलवरनाणदंसणसव्वकम्मविगमाणंतरं सिद्धिसुहकारयं च गिण्हामि तुम्हंतिए खमामद्दवज्जवमुत्तितवसंजमसच्चसोयागिचणबंभचेररूवं जइधम्म' ति । गुरुणा भणियं-'किच्चमेयं तएजा(तवा?)रिसाणं भव्वसत्ताणं'ति । विहिपुव्वयं च दिनाणि से अणुव्वयाणि । अणुसासिओ य बहुविहं । तओ वंदिऊण परमभत्तीए य सपरिवारं गुरुं, पयट्टो रहवरसमारूढो नयराभिमुहं । पत्तो य नयरदुवारं । तं च पडिनियत्तगुरुसमीवनरनाहजाणवाहणसमाउलं नायरजणगुरुवंदणत्थपवेसनिग्गमपडिरुद्धपहं च पेच्छिऊण चिंतियं जंबुणामेण जाव पडिवालेमि एत्थ परिवाडिं ताव अइमहंतो मे कालक्खेवो हवइ, ता वच्चामि अन्नेण दुवारेण-त्ति चिंतिऊण अन्नदारे पवत्ताविओ रहवरो सारहिं भणिऊणं ति । सारहिणा वि पवत्तिओ चोइउं तुरंगमे । पत्तो य अभिसेयदुवाणं(रं) च । जाव तं पि परचक्कभएण रिउबलहणणनिमित्तं सिलाजंतपहरणलंबमालाउलं दद्वृण चिंतिउं पयत्तो । अवि य- एयं जइ निवडेज्ज ममोवरिं कह व सीलरहियस्स ।
अकयपुन्नस्स तो मे दोगइगमणं धुवं होज्जा ॥९३॥ जओ- "अत्थो होइ अणत्थो सयणो वि य परजणो हियं अहियं ।
___ मित्तं पि हवइ सत्तू आसन्ने वसणकालंमि" ॥९४॥ [ ] भणियं च- "अन्नह परिचिंतिज्जइ सहरिसकंदुज्जुएण हियएणं ।
परिणमइ अन्नह च्चिय कज्जारंभो विहिवसेण" ॥९५॥ [ ] तो एवं च परमसंवेगभावियमइस्स से इंदजालसरिसं जीवलोयं मनमाणस्स धम्मज्झाणजलपक्खालियपावलेवस्स समुपन्ना चिंता-अहो णु खलु एवंगयस्स मे नत्थि पओयणं । जओ नरय-तिरिय-नरामरगईमूलं एवंविहं मरणं न सेयाय भवइ । तो ते धन्ना जे तेलोक्कबंधुभूए चिंतामणिकप्पे परमरिसिसव्वन्नुदेसिए धम्मे कयाणुराआ अगारवासाओ अणगारियं दिक्खं पवन्न त्ति । तओ य, पाणवह-मुसावाय-अदत्तादाण
Jain Education International 2010_02
For Private & Personal Use Only
www.jainelibrary.org
| SR No. | 002554 |
| Book Title | Jambuchariyam |
| Original Sutra Author | N/A |
| Author | Jinvijay, Chandanbalashree |
| Publisher | Bhadrankar Prakashan |
| Publication Year | 2009 |
| Total Pages | 318 |
| Language | Sanskrit |
| Classification | Book_Devnagari & Literature |
| File Size | 12 MB |