________________
७३
पंचमो उद्देसो भणियं च- "सा सामग्गी कत्थ व, कहिं पिता होइ कस्स व नरस्स ।
दुव्विसहमयणसरपहरधोरणी जा पडिक्खलइ" ॥२५७॥ [ ] भीओ संसाराओ, अप्परिवडिओ य तस्स ठाणस्स । धम्मम्मि निच्छियमई, समतणमणिकंचणो सययं ॥२५८॥ भावेंतो जिणवयणं, अणुगुणमाणो य भावणाजालं । इच्छंतो सिद्धिसुहं, काऊण य अणसणं धीरो ॥२५९॥ देहं चइऊण तओ, मुहुत्तमेत्तेण सो महासत्तो । इंदसमो उववन्नो, कप्पे अह बंभलोयम्मि ॥२६०॥ कप्पतरुसुरहिमंदारकुसुमपरिमलसुगंधपल्लंके । उववज्जिउं विउद्धो, उवविठ्ठो ता इमं सुणइ ॥२६१॥ वीणामउंदमद्दलवप्पीसयवेणुसद्दसंवलियं ।
देवविलासिणिसहरिसकलमंगलसद्दहलबोलं ॥२६२॥ तओ सो दससागरोवमाउओ सुरवरो चिंतिउं पयत्तो । कह ?
किं एसो सुरलोओ, किं वा सुमिणंतरं इमं होज्जा ? । किं वा वि इंदयालं, किं वा अच्चब्भुयं किं पि ॥२६३।। ताव सहस त्ति जायं, वित्थिन्नं तस्स ओहिवरनाणं । नायं च तेण सव्वं, जह उववन्नो तवं काउं ॥२६४।। तो पणमिओ जिणाणं, भणिओ य सुरेहिं हिट्ठवयणेहिं । देव ! निसामसु वयणं, साहिप्पंतं तुमं ताव ॥२६५।। तं विज्जुमालिनामो, उववन्नो इह पहाकरविमाणे । एयाओ देवीओ, चत्तारि वि तुज्झ जायाओ ॥२६६॥ अह सहिओ देवीहिं, मज्जणवावीए सो समोइन्नो । मज्जेऊण जहिच्छं, उवागओ चेइयहरम्मि ॥२६७॥ वंदेउं तत्थ जिणे, सासयरूवे पियाहि सहिएण । रयणमयपीढठइयं, पवाइओ पोत्थयं ताहे ॥२६८॥
Jain Education International 2010_02
For Private & Personal Use Only
www.jainelibrary.org
