Page Text
________________
पंचमो उद्देसो
७१ तओ भणियं चोद्दसपुव्विणा सायरदत्तगुरुणा-'अविग्धं देवाणुप्पिया मा पडिबंधं कुणसु' त्ति । तओ वंदिऊण गुरुं पविट्ठो नयरिं सिवकुमारो । भणिया य तेण जणणिजणया जहा-'निसामिओ मए अज्ज वइरदत्तचक्कवट्टिणो पुत्तस्स सायरदत्तगुरुसमीवे जिणयंदपहासिओ धम्मोवएसो । विरत्तो य विडंबणामेत्तसाराणं किंपागफलोवमाणं मुहरसियकडुयविवायाणं संसारदुक्खकारयाणं विसयाणं ति । ता विसज्जेह ममं जेण सायरदत्तगुरुसमीवे संसारभयपणासणं गिण्हामि पव्वज्जारयणं' ति । तओ न विसज्जिओ तेहिं, निरुद्धो य तस्स परिभमणपसरो । सो वि परिचत्तसयवावारो सव्वसावज्जजोगविरओ अभिसंधिऊण मणसा-अहं सायरदत्तगुरुणो सीसो ठिओ मूणव्वएणं, परिचत्तं च सव्वं आवस्सयाइयं करणीयं ति । तओ आयत्ताणि जणणिजणयाणि, सद्दाविओ य पउमरहराइणा दढधम्मो नाम सावगो इब्भपुत्तो तन्नयरनिवासी। भणिओ य राइणा-'वच्छ ! पव्वज्जागहणनिरुद्धणं सिवकुमारेणं मोणं पडिवन्नं, परिचत्ता सव्वे आवस्सयाइया वावारा, बहुसो वि भणिओ न कुणइ आहारगहणं, ता तहा वच्छ ! कुणसु जहा सो परिभुंजइ, जइ परं सावगस्स तुह वयणं न लंघइ' त्ति । तओ भणियं तेण दढधम्माभिहाणेण सावगेण-‘एवं करेमि सव्वं तस्स पयत्तं' ति भणिऊण गओ सिवकुमारस्स समीवं । पविट्ठो य निसीहियं काऊणं, पडिक्कंतो य इरियावहियं पमज्जिऊण 'अणुजाणेह'त्ति भणिउं कयकिइकम्मो अणुजाण (?) सिवकुमारस्स चलणंतिए । तओ इमं दट्टण सिवकुमारेण भणियं'कुमार ! न विरुज्झइ, जओ तुमं सव्वसावज्जजोगविरओ जइकिरियाए वट्टमाणो दीससि, अओ एस मए पउंजिओ, अहं च सावगो, अओ पउंजियव्वो एस सावगेहिं'। कुमारेण भणियं-'ता कहसु किं निमित्तं तुमं समागओ ?' तेण भणियं'कुमार ! किं पुण तुमं आहारं पि भोत्तुं नेच्छसि ?' कुमारेण भणियं-'सुणसु, सोहणं तए पुच्छियं । जओ न विसज्जति ममं अम्मापियरो । पव्वज्जाकएण मया वि परिचत्तो जावज्जीवं पि घरनिवासो, पडिवन्ना य भावओ पव्वज्जा । एवं च ठिए कहमेत्थं भुंजामि ?' त्ति । भणियं च दढधम्मेण सोहणं कयं तए जं भावओ पडिवन्ना पव्वज्जा । किंतु न जुत्तं इमं निराहारत्तणं । जओ
"आहारो तणुमूलं, तणू वि धम्मस्स होइ तह मूलं । ___ धम्मो मोक्खसुहस्स य, मूलं भणिओ जिणिंदेहिं" ॥२५०॥ [ ]
Jain Education International 2010_02
For Private & Personal Use Only
www.jainelibrary.org
| SR No. | 002554 |
| Book Title | Jambuchariyam |
| Original Sutra Author | N/A |
| Author | Jinvijay, Chandanbalashree |
| Publisher | Bhadrankar Prakashan |
| Publication Year | 2009 |
| Total Pages | 318 |
| Language | Sanskrit |
| Classification | Book_Devnagari & Literature |
| File Size | 12 MB |