________________
७०
जंबुचरियम् मणवययकाएहिं, गुत्तत्तं जमिह हुंति गुत्तीओ । जिणयंदभासियाओ, एयाओ कुमर ! जाणाहि ॥२४४॥ नाणाविहा य समए, अभिग्गहा जिणवरेहिं पन्नत्ता । भेसज्जवत्थवीसामणाइया साहुविसयम्मि ॥२४५॥ करणं भन्नइ किरिया, सा भणिया पिंडमाइगाहाए । चरण-करणेण एसो, संखेवत्थो मए भणिओ ॥२४६॥ एयाइं ताई दोन्नि वि, कुमार ! भणियाइं चरण करणाई ।
मोक्खस्स साहणाई, कहियाइं तुज्झमेयाई" ॥२४७॥ तओ एयं च सोऊणं सव्वेहिं सिवकुमारपमुहेहिं भणियं नायरेहि-'अहो भयवया साहिया एगिदियाइणो जीवा, सिट्ठा य बहुदुक्खा नरएसु नारया, नाणापयारा कहिया तिरिया, उववि(दि)ट्ठा बहुविहा मणुया, अणेयभेया पयंसिया देवा, सासयसोक्खो मोक्खो तस्स य चरण-करणाणि पसाहणाणि पसाहियाणि' त्ति । तओ एवं च कहंतरं जाणिऊण भणियं सिवकुमारेण-'भयवं ! चिरकालविउत्तसहोयरं पिव दट्टण तुमं पवटुंतनेहामएण सिंचमाणं पिव मज्झ हिययं अउव्वं सुहमणुहवइ त्ति, अवियण्हो य तुम्ह दंसणस्स । ता कहसु किं पुण एत्थ कारणं ?' तओ भयवया ओहिनाणेण आभोइऊण भणियं-'कुमार ! अत्थि एत्थ कारणं । जओ, इओ य तइयभवे जंबुद्दीवे भारहे वासे मगहाजणवए सुगामे गामे तुमं मे भाया कणिट्ठो आसि पाणेहिं पि पिय[य]रो । सव्वं च सिटुं जहा पव्वाविओ ताव जाव देवलोयाओ चविऊण एत्थ दो वि उववन्ना । ता कुमार ! एएण कारणेण तुज्झ ममोवरि पीई, मम उण वीयरागाए(गयाए) न तह' त्ति । इमं च निसामिऊण सिवकुमारस्स जायं जाईसरणं, आहोइओ पुव्वभवो, भणियं च णेण-'भयवं ! जहा तुब्भे आणवेह तहा इमं सव्वं न अन्नहा । अ(आ)होइयं मए जाइसरणेणं' ति । अन्नं च
केवलपईवपयडिव(य)परमत्थासेसभुयणभावाणं ।
रोयइ जिणाण वयणं, मज्झं जगजीवबंधूणं ॥२४८॥ ता भयवं !-नारयतिरियनरामरभवसयपरिभमणखेयखिन्नो हं।
अम्मापियरं आपुच्छिऊण गिण्हामि पव्वज्जं ॥२४९॥
Jain Education International 2010_02
For Private & Personal Use Only
www.jainelibrary.org
