________________
पंचमो उद्देसो
रागद्दोसपरत्तो, आसवदारेहिं कम्ममासवइ । जीवो भवकंतारे, तम्हा तं निग्गहं कुणह ॥२३२॥ सुसमाहियअप्पाणो, आसवदाराई तह निरंभेउं । संवरजुत्तो अप्पा, ठावेयव्वो सयाकालं ॥२३३॥ निज्जरणं कम्माणं, पुबुप( प्प)न्नाण संजम-तवेहिं । कायव्वं जइ इच्छसि, विउलाई सिद्धिसोक्खाइं ॥२३४॥ उड्डमहतिरियलोए, सव्वत्थ वि अत्थि जम्ममरणाइं । एवं विचिन्तयंतो, भववेरग्गम्मि वडेज्जा ॥२३५॥ एसो जगजीवहिओ, धम्मो जिणयंदभासिओ विमलो । धन्ना जयम्मि सत्ता, भावेज्जा जे इमं पत्ता ॥२३६॥ भवसायरम्मि अइ दुत्तरम्मि मिच्छत्तमोहपउरम्मि । सायरनट्ठो चिंतामणि व्व इह दुल्लहा बोही ॥२३७॥ भावेड़ अणिच्चाई, अप्पाणं वा वि चरण-करणेहिं । ई भावणाउ अहवा वयवइकप्पा उ पणुवीसं ॥२३८॥ भिक्खुपडिमाउ बारस, साहिप्पंताउ ताउ निसुणेह । मासाई सत्तंता, सत्तेयाओ वियाणाहि ॥२३९॥ सेसाओ सत्त दिणा, पडिमाओ तिन्नि हुंति अह कमसो ।
तह होइ अहोराई, पडिमा तह एक्कराईया ॥२४०॥ भणियं च- "मासाई सत्तंता, पढमा बिति [या य] सत्त राइदिणा ।
अहवा इ एगराई, भिक्खूपडिमाण बारसगं" ॥२४१॥ [सं.प्र./गा.७४२] पंचण्हमिंदियाणमिह सद्दरसरूवगंधफासेसु । विसएसु पवन्नाणं, निरंभणा इंदियनिरोहो ॥२४२॥ पडिलेहणा वि भन्नइ, ट्ठिीए पलोयणं जमुवगरणे । त(द)?ण तत्थ जंतू, पमजणा तस्स अवणयणं ॥२४३॥
Jain Education International 2010_02
For Private & Personal Use Only
www.jainelibrary.org
