________________
जंबुचरियम् भासासमिई भन्नइ, अणवज्जं कारणे जमिह भणइ । थी-भत्त-राय-जणवयविगहारहिओ य जं साहू ॥२२०॥ बायालीसं एसण भोयणदोसा य पंच परिहइ । जं साहू उवउत्तो, एसणसमिय त्ति सा भणिया ॥२२१॥ मंचइ वा गिण्हइ वा, पडिलेह पमज्जिऊण जं साहू ।
आयाणभंडमत्तयनिक्खेवणसमित्ति(ति) सा भणिया ॥२२२॥ उच्चाराई जुज्जइ, पडिलेह पमज्जिउं परिट्ठवइ । उच्चारपासवणखेलसिंघणजल्य सिंघजलमल्ल )समिई सा ॥२२३॥ अधुयत्तमसरणत्तं, एगत्तं तह य होइ अन्नत्तं । असुइत्तं च सरीरे, भावेयव्वो य संसारो ॥२२४॥ कम्मासवसंवरनिज्जरं च लोगस्स तह य वित्थारो । धम्मस्स य प्पभावो, दुलहत्तं तह य बोहीए ॥२२५॥ धणधणियबंधुपरियणअवच्चजीयं च जोव्वणं देहं । सव्वं इमं अणिच्चं, तम्हा मा कुणसु पडिबंधं ॥२२६॥ जम्मजरामरणभवोहवढुए वाहिवेयणापत्थे । नत्थि सरणं जयम्मि वि, मोत्तूणं नवर जिणवयणं ॥२२७॥ एगो छिंदणभिंदणजम्मणमरणाइं लहइ दुक्खाई । गइओ य भवावत्ते, तम्हाऽप्पहियम्मि वट्टेज्जा ॥२२८॥ अन्नो हं सयणाओ, देहाओ विहवपरियणाओ य । एवं विभावयतो, लंघसि संसारकंतारं ॥२२९॥ असुई देहुप्पत्ती, असुई देहो वि देहलग्गं च । असुइम्मि अओ देहे, मा पडिबंधं करेज्जासु ॥२३०॥ संसरमाणो जीवो, मोहंधो भमइ एत्थ संसारे । पावइ किमिकीडत्तं, तम्हा मा रज्जसु इमम्मि ॥२३१॥
Jain Education International 2010_02
For Private & Personal Use Only
www.jainelibrary.org
