________________
६७
पंचमो उद्देसो
पायच्छित्तं विणओ, वेयावच्चं तहेव सज्झाओ । झाणं उस्सग्गो वि य, अभितरओ तवो होइ ॥२०८॥ संतप्पइ अट्ठविहं, इमेण जं पुव्वसज्जियं कम्मं । तेणेस तवो भन्नइ, भणिओ य इमो सुणसु सेसं ॥२०९॥ कोहग्गहणं चेत्थ य, जाण कसायाण सूयगं एयं । निग्गहणं पुण तेसिं, विफलीकरणं सयाकालं ॥२१०॥ कोहो होइ चऊद्धा, माणो माया य तह य लोहो य । अणअप्पच्चक्खाणा, पच्चक्खाणो य संजलणो ॥२११॥ पव्वयपुढवी-रेणू-जलरेहाए समो भवे कोहो । माणो सेल-ट्ठिय-कट्ठ-वेत्तमयथंभसारिच्छो ॥२१२॥ मयसिंगसमा माया, कीलग-मूलावलेह-खप्पडिया । लोहो किमिरायसमो, कद्दम खंजण-हलिद्दो य ॥२१३॥ जावज्जीवं वच्छर-चउमासय-पक्खगामिणो कमसो । नारय-तिरिय-नरामरगइसाहगहेयवो भणिया ॥२१४॥ चारित्तं इह भन्नइ, विहि-पडिसेहो य जो अणुटाणे । सो गाहाए भणिओ, वयमाईए समासेण ॥२१५॥ संखेवेणं भणियं, चरणं करणं तु अह निसामेह । पिंडविसोहाईए, गाहाए संज( जं स )मुद्दिष्टुं ॥२१६॥ पिंडो इह आहारो, तस्स विसोही उ दोसपरिहरणं । बायावीसं ते वि हु, उग्गम-उप्पायणाईया ॥२१७॥ इरियाभासेसणया, निक्खेवायाण तह परिढवणा । सम्ममियं अप्पाणं, जं कीरइ तेण समिई उ ॥२१८॥ जुगमेत्तनिमि( हि)यदिट्ठी, पयं पयं जं विसोहिउं ठवइ । साहू इह उवउत्तो, इरियासमिइ त्ति सा भणिया ॥२१९॥
Jain Education International 2010_02
For Private & Personal Use Only
www.jainelibrary.org
