________________
१४४] सयम्भुकिउ पउमचरिउ
९,१-८,१०,१-९,१११-१
[९]
करें कङ्कणु जोवहिं दप्पणउ ॥ १ चउपह-संसारे भमन्तऍण आवन्ते जन्त-मरन्तऍण ॥ २ जगे जीवें कोण रुवावियउ को गरुअ धाह ण मुआवियउ ॥३ को कहि मि पाहिँ संतावियउ को कहि मि ण आवह पावियउ॥४ को कहिँ ण दड्ड को कहिँ ण मुउ को कहिँ ण भमिउ को कहिँ ण गउ ॥५ कहिँ ण वि भोयणु कहिँ ण वि सुरउ जग जीवहाँ किं पि ण वाहिरउ ॥६ तइलोक्कु वि असिउ असन्तऍण महि सयल दड्ड डझन्तऍण ॥ ७
॥घत्ता ॥ सायर पीउ पियन्तऍण अंसुऍहिँ रुअन्तें भरियउ । हड्डु-कलेवर-संचऍण गिरि मेरु सो वि अन्तरियउ॥८
[१०] अहवइ किं वहु-चविएण राम भवे भमि भयङ्करें तुहु मि ताम ॥१
णडु जिह तिह वह-रूवन्तरहिँ जर-जम्मण-मरण-परम्परोहिं॥२ 15 सा सीय वि जोणि-सएहिँ आय तुहुँ कहि मि वप्पु सा कहि मि माय ॥ ३
तहँ कहि मि भाउ सा कहि मि वहिणि तहँ कहि मि दइउ सा कहि मि घरिणि॥४ तुहँ कहि मि णरऍ सा कहि मि सग्गें तुहँ कहि मि महिहिँ सा गयण-मगें ॥ ५ तुहँ कहि मि णारि सा कहि मि जोहु किं सिविणा-रिद्धिहें करहि मोहु ॥६ उम्मेदु 'विओअ-गइन्दएसु जगडन्तु भमइ जगु जिरवसेसु ॥७ 20 जइ ण धरिउ जिण-वयणकुसेण तो खजइ माणुसु माणुसेण ॥ ८
॥घत्ता ॥
। एम भणेप्पिणु वे वि मुंणि गय कहि मि णहङ्गण-पन्थें । रामु परिट्ठिउ किविणु जिह धणु एक्कु लएवि स-हत्थें ॥ ९
[११] 23 विरहाणल-जाल-पलित्त-तणु चिन्तेवऍ लग्गु विसण्ण-मणु ॥ १ 'सच्चउ संसार ण अस्थि सुहु सच्चउ गिरि-मेरु-समाणु दुहु ॥२ सच्चउ जर-जम्मण-मरण-भउ सच्चउ जीविउ जल-विन्दु-सउ ॥३
9. 1 PS A अप्पणउं. 2 A जोअहि दप्पणउं. 3 A भाविय उ. 4 P पावियउं. 5 P दुको. 6 PS रुयंतेहि. भरिउ. __10. 1 P भविउ, A भमिउं. 2 PS सुइणा. 3 A रिसि.
[९] १ भक्षितः. २ भक्षितेन. [१०] १ पुरि(रु)षः. २ वियोग एव हस्ती.
Jain Education International
For Private & Personal Use Only
www.jainelibrary.org
