Kirti Kaumudi tatha Sukrut Sankirtan

SR No.: 002505
Original Sutra Author: Someshwar Mahakavi, Arisinh Thakkur Kavi
Publisher: Singhi Jain Shastra Shiksha Pith Mumbai
Publication Year: 1961
Total Pages: 168
Language: Sanskrit
Classification: Book_Devnagari & Literature
File Size: 10 MB

Page 49

गूर्जरेश्वरपुरोहितश्रीसोमेश्वरदेवविरचितं यात्राप्रसङ्गेन जगाम येषु, पुरेषु पौरोच्छिततोरणेषु । तेषामधीशैः सविशेषमेष, सम्मान्यमानः सममानयत् तान् ॥ अभ्यर्थ्यमानः पथिकैरनेकैर्वस्तून्यनेकान्यपि वस्तुपालः । तेभ्यः प्रभूतानि पथि प्रयच्छन् , नाहङ्करोति स्म न कुप्यति स्म ॥ गीतानि जैनोन्युचितानि गातुं, जनो जगौ वर्मनि मध्यमध्ये । प्रमोदपूरोद्गतरोमराजिर्निरन्तरं तस्य पुनर्यशांसि ॥ अनुक्रमेण प्रसृताऽस्य साधोः, साँ धोरणी यात्रिकधोरणानाम् । वैमानिकैयोमनि नाकिलोकैर्भूमानयष्टिप्रतिमा व्यलोकि ॥ . पुरश्च पृष्ठेऽपि च पार्श्वयोश्च, परिस्फुरन्तः खरहेतिहस्ताः । यात्राजनं वर्मनि तस्य शश्वदश्वाधिरूढाः सुभटा ररक्षुः ॥ समुद्भुतैर्जीर्णजिनेन्द्रहम्नवैः सरोभिश्च सरोजरम्यैः । प्रस्थानमार्गः सचिवस्य सोऽभूदजानतामप्युपलक्षणीयः ।। यावन्ति बिम्बानि जिनेश्वराणां, श्वेताम्बराणां च कदम्बकानि । मार्गेषु तेषां मुषिताश्रितार्तिः, पूजां स निवर्त्य ततः प्रतस्थे ॥ स पञ्चषैनिर्विषमप्रपञ्चप्रयाणकैः प्रीणितसङ्घलोकः । धराधरं धर्मधुरन्धरः श्रीशत्रुञ्जयं शत्रुजयी जगाम ॥
आरुह्य सह्यादपि सुन्दरेऽस्मिन्नश्मोच्चये कश्मलमुक्तचेताः । मन्त्री मिलन्मर्त्यकृतोपमर्द, कपर्दिनं नाम ननाम यक्षम् ॥ स कर्दमैस्तस्य तनु कपर्दियक्षस्य यक्षोपपदैर्विलिप्य । पुष्पैरनेकैर्विलसद्विवेकस्त्रिलोकपूज्यस्य चकार पूजाम् ।। अध्वश्रमध्वस्तसमस्तपापभरेण भूरेणुभृता जनेन । शृङ्गावलिव्याप्तवियन्मुखोऽपि, सोऽयं सुखेनाऽऽरुरुहे महीध्रः ।। तत्राऽऽदिनाथस्य नमस्यमूर्तेः, स्नात्रं च पूजां च विधाय मन्त्री । पुरः कुरङ्गीनयनाः प्रमोदनॅत्यन्मना नृत्यमकारयत् सः ।। संश्लिष्टमष्टापदपृष्ठपट्टे, तं दृष्टवान् विष्टपवन्दनीयम् । अमेयतेजोमयमण्डलस्थं, यथा पुमांसं परमं स मन्त्री ॥ विरच्यमाने सचिवेन तेन, पूजाविधौ पूज्यतमस्य तस्य । सकुङ्कुमस्नानजलच्छलेन, गलनिवाऽऽलोक्यत भोगरागः ॥ न केवलं केवलिचक्रवर्ती, हृच्चक्रवर्ती सचिवस्य सोऽभूत् ।
शुश्रूषयाऽप्येष विशेषवत्या, तत्याज नान्तःकरणं तेदीयम् ।। .१ जैनानुचि वा० ॥ २ सृतस्य प्र० कां० ॥ ३ साधारणी या वा० कां । सा धोरणिर्या मु० ॥ ४ 'तभव्यलों वा० मु० ॥ ५ महीन्ध्रः वा० । महोन्द्रः मु० ॥ ६ स्नान व मु०॥ ७ 'नृत्यात्मना वा० मु० ॥ ८ ‘क्य ततोऽङ्गरागम् मु० ॥ ९ यदीयम् वा० मु० ॥
२८