________________
नवमः सर्गः।
चिकीर्षिता श्रीसचिवेन तीर्थयात्राऽथ सोऽयं' समयः समेतः । महात्मनामीहितकार्यसिद्धौ, विधिविधत्ते हि सदाऽऽनुकूल्यम् ॥ धर्मैकमित्रोपनिमन्त्रणार्थ, तेनार्थिमित्रेण चराः प्रयुक्ताः । न केवलं स्वेन कृतार्थितेन, परैः कृतार्थैः कृतिनः कृतार्थाः ॥ रथानथाऽऽनन्दविसंस्थुलोऽयं, लोकः प्रयाणप्रवणांश्चकार । उपक्रमे पुण्यकृतां क्रियाणां, राभस्यमभ्यस्यति को न साधुः ॥ पाथेयवन्तः पथि योग्ययुग्याः, सोपानहः सोदकभाजनाश्च । श्रीवस्तुपालेन समं जनौघाः, प्रयाणकाय प्रवणा बभूवुः ।। आकारितस्तेन कृतादरेण, दूरादपि श्राद्धजनः समेतः । ययुस्तदीयानि पुनर्यशांसि, दिगन्तरेभ्योऽपि दिगन्तराणि ।। समं समग्रैरपि बन्धुवर्गेनिसर्गबन्धुर्विबुधव्रजस्य । शुभे मुहूर्तेऽथ शुभैर्निमित्तैर्मन्त्री स्वनाथानुमतः प्रतस्थे । पुरः प्रशस्तां फल-पुष्पहस्तां, प्रमोदमानः प्रमदां विलोक्य । निरन्तरात्यां पथि तीर्थयात्रां, मन्त्रीश्वरश्चेतसि निश्चिकाय ।। स्थितः क्षणं क्षीरतरोरधस्तात् , कृतानुवृत्तीन् सुजनान् निवर्त्य । खरस्य वामं स्वरमध्वगामी, शुश्राव सुश्रावकचक्रशक्रः ।। अक्षेषु नित्यं कृतनिग्रहोऽपि, जग्राह तांस्तान् नियमानमात्यः । स्वभावशुद्धाः सुधियो हि तेषां, पावित्र्यलाभाय तथापि लोभः ॥ रथैस्तुरङ्गैः करभैर्महो!जग्मुस्तदा केऽपि कथञ्चनापि । मन्त्रीश्वरे धर्मधराधुरीणे, तस्मिन् विशश्राम भरस्तु तेषाम् ।। न वाहनं यस्य स तस्य यानं, नासीद् धनं यस्य स तस्य वित्तम् । न चीवरं यस्य स तस्य वस्त्रं, कल्पद्रुकल्पः प्रददौ पदव्याम् ।। भुङ्क्ते स्म सर्वेष्वपि भुक्तवत्सु. शेते स्म सुप्तेषु स यात्रिकेषु । प्रबुध्यते स्म प्रथमं तदित्थं, सङ्घप्रभुत्ववतमाचचार ॥ प्रभूतभोज्यानि बहूदकानि, सगोरसान्युन्मदमानवानि ।
तस्यातिदुर्गेऽपि पथि प्रयाणान्युद्यानलीलासदृशान्यभूवन् । १" शरदा समे ॥ २ निबन्धनार्थ मु० ॥ ३ °न् स्वज प्र० वा० ॥ ४ शक्तः वा० कां ॥ ५ 'दौ पृथिव्याम् वा० मु० ॥
Jain Education International
For Private & Personal Use Only
www.jainelibrary.org
